A cidade celebrou o centenario da creación da Irmandade da Fala de Betanzos

O Alcalde, Ramón García, membros da Corporación e familiares dalgúns dos membros da Irmandade da Fala de Betanzos durante a conmemoración no Alfonsetti / ARUME

O Concello celebrou un acto no Alfonsetti, o lugar no que en outubro de 1917 se reunira por primeira vez a Irmandade da Fala de Betanzos

O 23 de outubro de 1917 reuníase por primeira vez no Teatro Alfonsetti a Irmandade da Fala de Betanzos, un grupo de mozos e mozas betanceiros que defendían a lingua e a Cultura Galega.

Cen anos despois daquel primeiro mitin da Irmandade da Fala de Betanzos, e sobre o mesmo esceario, o Concello rendeu homenaxe a este colectivo que desenvolveu a súa labor a prol da cultura entre os anos 1917 e 1930. Mitins, conferencias, a creación dun coro e dun cadro de declamación para a promoción do teatro galego, a organización dos Xogos Florais de 1918 e a publicación da revista "Rexurdimento", son algunhas das súas obras sobre as que temos coñecemento grazas aos fondos do arquivo municipal e que poden consultarse a través de Internet.

No acto central celebrado ás 12:30 horas no Alfonsetti participaron familiares dalgúns dos membros da Irmandade da Fala de Betanzos que recrearon sobre o esceario textos do colectivo, mostra da pegada que o grupo deixou en Betanzos. Tamén participou o historiador betanceiro Xesús Torres, autor de varios estudos centrados neste colectivo.

A homenaxe rematou coa actuación do Real Coro Toxos e Flores de Ferrol, fundado en 1915 e vencellado ao movemento das Irmandades da Fala.

Punto de información turística

Antes do acto central no Alfonsetti, o Alcalde, Ramón García, acompañado de representantes dos cinco partidos políticos da Corporación, descubriu un novo punto de información turística instalado nos Soportais do Campo, á altura do antigo número 22, onde a Irmandade da Fala de Betanzos tivo a súa sede.

A comunidade educativa do IES As Mariñas tamén se sumou á celebración do centenario e elaboraron unha completa exposición sobre as Irmandades da Fala e sobre a betanceira en particular así como os persoeiros máis importantes desta organización.


Noticia extraída do Nº 301 de Betanzos e a súa comarca

Novas relacionadas


A RESTAURACIÓN DO ESTANQUE DO RETIRO CUSTARÁ AO REDOR DE 525.000 EUROS E SAIRÁ A LICITACIÓN NUNS MESES

17/01/2020

O Concello conta de sacar a licitación o proxecto de conservación e restauración do Estanque do Retiro “no prazo máis breve posible, aínda que ...


leer máis


ACEBE CCA CELEBRA HOXE A XORNADA SOLIDARIA NO PARQUE INFANTIL DE XOGOS

23/12/2019

Hoxe 23 de decembro o parque infantil de xogos que ACEBE CCA ten instalado na Praza dos Irmáns García Naveira, celebrará a súa xornada solidaria. ...


leer máis


OS CALENDARIOS SOLIDARIOS DO IES FRANCISCO AGUIAR PARA NOEL XA PODEN MERCARSE NUNHA VINTENA DE COMERCIOS ASOCIADOS A ACEBE CCA

19/12/2019

Unha vintena de comercios e empresas asociados a ACEBE CCA puxeron xa á venda os calendarios solidarios en favor da causa de Noel, o neno betanceiro ...


leer máis


UNHA VINTENA DE COMERCIOS ASOCIADOS A ACEBE CCA COMEZAN HOXE O “BLACK FRIDAY”

22/11/2019

Un total de 23 comercios asociados a ACEBE CCA acordaron sumarse á iniciativa promocional “Black Friday” e ofrecerán descontos aos seus clientes...


leer máis