ABANCA e ACEBE CCA asinan un convenio de colaboración con vantaxes para as empresas asociadas

ABANCA e ACEBE CCA asinaron un convenio mediante o que a entidade bancaria ofrece condicións vantaxosas para os socios e socias do Centro Comercial Aberto de Betanzos. O acordo foi suscrito pola presidenta de ACEBE CCA, Antonia Anido Díaz e polo director de zona Betanzos/Eume de ABANCA, José Ulfe Bugallo.

Mediante o acordo, o banco pon a disposición dos comerciantes e empresas asociadas un plan de financiamento co que se busca responder de maneira integral ás súas necesidades. No convenio inclúense produtos e servizos como os préstamos persoais e hipotecarios ou leasing mobiliario, que contan con amplos prazos de amortización, posibilidade de carencias e xuros moi competitivos.

Na oferta tamén se recollen solucións para as necesidades máis inmediatas como pólizas de crédito, liñas de desconto comercial, avais confirming ou factoring.

Ademais, os asociados poderán beneficiarse das vantaxes do Programa Cero Comisións, que permite deixar de pagar polo mantemento das contas e das tarxetas, pero tamén polas transferencias, polo ingreso de cheques ou por outros servizos habituais.

Tamén estará a disposición dos comerciantes e empresarios o servizo de banca electrónica de ABANCA, co que poderán utilizar servizos como Appúntame, para xestionar calquera tipo de cotas, domiciliacións ou subscricións de maneira sinxela, o Bróker Online ou ABANCA Pay, entre outros.

Apoio ao comercio de proximidade

Outro dos beneficios incluidos no convenio son os TPVs físicos e virtuais con grandes vantaxes, así como o servizo “Alavuelta”, que permite aos comercios coñecer as claves do seu negocio, o patrón de compra dos clientes con tarxeta, garantindo en todo momento o anonimato dos mesmos, o que lles permitirá perfeccionar as súas estratexias de venda para atraer a novos clientes e fidelizar os que xa teñen.

Este servizo enmárcase no compromiso de ABANCA co comercio local e de proximidade, que beneficia aos comerciantes e empresarios pero tamén aos seus clientes con outros servizos como “Applázame” que permite un financiamento inmediato e seguro dende o móbil.