Aberto ata o 4 de decembro o prazo de inscrición na Campaña de Esquí da Deputación

A Deputación da Coruña organiza a Campaña de Esquí 2020 na que poderán participar un total de cincocentos nenos e nenas da provincia repartidos en cinco quendas.

A actividade desenvolverase entre o 24 de xaneiro e o 24 de febreiro de 2020 na estación invernal de Cabeza de Manzaneda (Ourense). Poderán participar nenos e nenas de entre 11 e 15 anos que  poderán iniciarse no esquí ou perfeccionar os seus coñecementos ademais de participar noutras actividades deportivas e culturais complementarias.

O custe da viaxe e a estadía é de 85 euros e, ademais, inclúe, as clases de esquí con monitores, o seguro, o alugamento de material, os remontes mecánicos e todo o gasto que ocasionen as actividades e os cursos programados.

Os rapaces e rapazas dos concellos do entorno (Abegondo, Aranga, Bergondo, Betanzos, Coirós, Curtis, Irixoa, Miño, Oza-Cesuras, Paderne, Sada, Sobrado, Vilarmaior e Vilasantar) poderán asistir na quinta quenda, entre o 21 e o 24 de febreiro.

O prazo de inscrición estará aberto ata o día 4 de decembro e as persoas interesadas en participar deberán entregar nos respectivos concellos a ficha debidamente cuberta que poderán descargar na páxina web: www.dacoruna.gal/deportes


Novas relacionadas


O CONCELLO ABRE A INSCRICIÓN PARA OS CAMPAMENTOS DE VERÁN E PARA O COMEDOR ESCOLAR

06/06/2020

O Concello de Betanzos abriu o día 3 de xuño o prazo de inscrición para solicitar o servizo de comedor escolar para o próximo curso e para os camp...


leer máis


O CONCELLO OUTORGARÁ AXUDAS DIRECTAS DE ATA 700 EUROS AOS AUTÓNOMOS E PEMES AFECTADOS POLA COVID-19

25/05/2020

Ata 700 euros poderán recibir os autónomos e pemes que tiveron que cesar a súa actividade ou que viron drasticamente reducidos os seus ingresos dur...


leer máis


O CONCELLO INICIA UN PLAN DE MOBILIDADE PEONIL QUE RECOMENDA O USO DAS BEIRARRÚAS NUN SÓ SENTIDO DE CIRCULACIÓN

13/05/2020

Camiñar polas beirarrúas nun só sentido de circulación para reducir o contacto entre persoas é a recomendación que lanza o Concello nestes prime...


leer máis


A DIRECTIVA DE ACEBE CCA REÚNESE COA ALCALDESA PARA SOLICITAR MEDIDAS DE APOIO AO COMERCIO LOCAL

17/04/2020

A directiva de ACEBE CCA, representada pola súa presidenta, Antonia Anido, e polo tesoureiro, Luis Mariano García, mantiveron unha xuntanza esta ma...


leer máis