Mañá abre ao público o parque infantil que ACEBE CCA instalou na Praza Irmáns García Naveira

Imaxe do parque infantil de xogos instalado o ano pasado / FOTO ARUME

Este venres día 20 a partir das 16.00 horas abrirá ao público o parque infantil de xogos co que a Asociación de Comerciantes e Empresarios de Betanzos, Centro Comercial Aberto (ACEBE CCA) busca proporcionar unha alternativa de lecer que serve ademais de complemento á campaña de promoción comercial da asociación.

O parque está instalado nunha carpa de 200 metros cadrados na Praza dos Irmáns García Naveira e conta con zonas de xogo diferenciadas por idades. Os nenos e nenas estarán acompañados por monitores.

O horario de apertura habitual será de 12:00 a 14:00 horas e de 16:00 a 20:00 horas. Os días 24 e 31 pechará ás 19:00 horas. Os días 20 e 25 abrirá en horario de tarde e o 1 de xaneiro estará pechado.

Para acceder ao parque infantil será preciso entregar as invitacións que os comercios asociados a ACEBE CCA repartirán entre os seus clientes. Non haberá entradas á venda na carpa. A listaxe de comercios asociados a ACEBE CCA pode consultarse na páxina web: www.comerciodebetanzos.com.

O parque contará con xogos PlayMóbil, Superzings, Rolly Toys e, como novidade este ano, xogos de Carrera.

Os menores de 4 anos poderán acceder á zona junior para a que non é preciso ter entrada.

Xornada solidaria

O 23 de decembro ACEBE CCA organiza unha xornada solidaria no parque infantil na que se recollerán alimentos e produtos de hixiene para contribuir ao programa de alimentos do Concello de Betanzos. Durante este día o Concello instalará unha caseta a carón da carpa, na que poderán realizarse as doazóns e conseguir así unha entrada especial, válida só nesta xornada, que lles dará acceso ao parque.

1.500 euros en premios

O parque infantil de xogos complementa a Campaña de promoción de ACEBE CCA “Dálle vida ao Nadal en Betanzos” na que se sortearán 1.500 euros repartidos en oito premios: un primeiro de 500 euros, dous segundos  de 250 euros cada un e cinco terceiros de 100 euros cada un.

Os premios serán en forma de tarxeta regalo que só poderá ser canxeada nos establecementos asociados a ACEBE CCA.

Con esta iniciativa a Asociación busca premiar a fidelidade dos clientes que mercan no comercio, na hostalería e nas pequenas empresas da cidade. Ademais, o premio revirte de novo nos establecementos asociados.

O reparto de rifas entre os clientes que realicen as súas compras nos comercios e empresas asociados a ACEBE CCA realizarase ata o 31 de decembro. A campaña culminará co sorteo ante notario que se celebrará o 8 de xaneiro de 2020.

Os números gañadores publicaranse na web de ACEBE CCA: www.comerciodebetanzos.com, en redes sociais e na edición de xaneiro do periódico “Betanzos e a súa comarca”.

Para que as papeletas sexan válidas para o sorteo deben estar seladas polo establecemento emisor. As rifas están divididas en dúas partes, unha é para o cliente e a matriz para o comerciante. É imprescindible que o comerciante conserve as matrices que serán recollidas a partir do 2 de xaneiro de 2020.


Novas relacionadas


FRANCISCO SUÁREZ GAÑA O BONO DE 100 EUROS DA CAMPAÑA DE PRIMAVERA DE ACEBE CCA

31/05/2023

Francisco Suárez foi o gañador da campaña de primavera de ACEBE CCA na que se sorteaba, a través da App Acebecca, un bono de 100 euros para gastar...


leer máis


DESCARGA A APP ACEBECCA

13/04/2023

A aplicación Acebecca pode descargarse desde PlayStore ou AppStore, ou a través dos seguintes enlaces:  ANDROID: https://play.google.com/store/a...


leer máis


ACEBE CCA ESTREA A SÚA NOVA APP CO SORTEO DUN PREMIO DE 100 EUROS

11/04/2023

ACEBE CCA estreará a súa nova App coa campaña de primavera na que sorteará un bono de 100 euros para canxear nos establecementos asociados. A acci...


leer máis


ACEBE CCA PRESENTA A SÚA NOVA APP PARA CLIENTES E ASOCIADOS

23/03/2023

ACEBE CCA acaba de presentar a súa nova App que dispón de múltiples funcionalidades tanto para os asociados como para os clientes dos negocios que ...


leer máis