ACEBE CCA abre o proceso electoral para renovar a directiva

A Asociación de Comerciantes e Empresarios de Betanzos, Centro Comercial Aberto (ACEBE CCA) celebrará o 16 de novembro a Asemblea Electoral para elixir á nova xunta directiva para os vindeiros dous anos.

Previamente, na mesma xornada, celebrarase unha Asemblea Xeral Ordinaria na que a directiva en funcións presentará a campaña de Nadal, dará conta da alta de novos socios e acordaranse os festivos nos que se autoriza a apertura comercial, entre outras cuestións.

A Asemblea Xeral Ordinaria celebrarase no salón Azul do Edificio Liceo, ás 20.30 horas en primeira convocatoria e ás 21.00 horas en segunda. Unha vez rematada esta será cando se celebre a Asemblea Electoral.

Proceso electoral

Unha vez transcorridos os dous anos de mandato da actual xunta directiva, os estatutos de ACEBE CCA establecen que deben renovarse os cargos para os seguintes dous anos mediante un novo proceso electoral.

O prazo de presentación de candidaturas abriuse o pasado día 2 e pechará ás 14.00 horas do 15 de novembro. Poderá presentarse ás eleccións calquera socio ou socia que se atope ao corrente nos pagos das cotas e que configure unha candidatura formada por, alomenos nove persoas, tamén asociados de ACEBE CCA.

A xunta directiva, que é o órgano executivo e delegado da Asemblea, estará constituida polo/a presidente/a, vicepresidente/a, secretario/a, tesoureiro/a e cinco vogais. Todos eles serán elixidos por sufraxio universal directo e segredo de entre as persoas que asistan á Asemblea.

As candidaturas poderán presentarse ata as 14.00 horas do día 15 de novembro na sede de ACEBE CCA, na Praza Mestre Xosé Dapena, número 1, baixo. Para aclarar calquera dúbida relacionada con este proceso electoral poden chamar ao teléfono 981774574 en horario de luns a venres de 10.00 a 14.00 horas.


Noticia extraída do Nº 348 de Betanzos e a súa comarca

Novas relacionadas


A CREACIÓN DE SINERXIAS ENTRE OS SOCIOS SERÁ UNHA DAS PRIORIDADES DA NOVA DIRECTIVA PRESIDIDA POR MARÍA LUISA PÉREZ IGLESIAS

09/12/2021

Un equipo "unido, ilusionado, con moitas ideas e con gañas de traballar". Así define a presidenta, Mª Luisa Pérez Iglesias (Óptica, Parafarmacia ...


leer máis


A ASEMBLEA DE ACEBE CCA ELIXE POR UNANIMIDADE Á NOVA DIRECTIVA

18/11/2021

ACEBE CCA xa ten nova xunta directiva para os vindeiros dous anos. Os socios e socias da entidade elixiron por unanimidade a candidatura presidida por...


leer máis


ANTONIA ANIDO DEIXA A PRESIDENCIA DE ACEBE CCA TRAS 14 ANOS Á FRONTE DO COLECTIVO

16/11/2021

Despois de 14 anos como presidenta de ACEBE CCA, Antonia Anido Díaz anunciou a súa marcha dun cargo que asumiu en 2007 e que supuxo a presidencia m...


leer máis


COMEZA A CAMPAÑA DÍAS AZUIS DO COMERCIO GALEGO QUE SORTEA 14000 EUROS EN PREMIOS

31/10/2021

Xa está en marcha unha nova edición da campaña "Días Azuis do Comercio Galego" que sorteará 14.000 euros en premios entre os clientes dos negocio...


leer máis