ACEBE CCA celebra o Samaín con doces sorpresas e un misterio por resolver

Unha vintena de negocios de diferentes sectores sumouse á proposta de ACEBE CCA para festexar o Samaín agasallando cunha doce sorpresa aos  nenos e nenas que se disfracen na tarde do 31 de outubro e que se pasen polos negocios inscritos.

Son 23 os establecementos que ofrecerán golosinas aos rapaces e rapazas que pasen polas súas instalacións cos seus disfraces: Alecrín, Atico30, Libraría Biblos, Bicos, Casa do Queixo, Segundo Productos Naturales, Chocolat, Cuore Boutique, Distrito Palmeras, El Cantón Ropa interior, Gadis, Graf Moda Joven, La Pelu de Nana, Larpeiradas Babel, Miraquelinda, Moita Miga, O Ekolar, Óptica Betanzos, Óptica Brigantium, Óptica-Parafarmacia-Herboristería Selgas, Tartaruga, Tocho Comercial e Xoma Kids.

Nesta ocasión, ademais, a asociación colabora con Gemola nunha actividade de animación que consistirá nun percorrido por negocios asociados do casco histórico recollendo pistas para resolver “O misterio do casco vello”. Haberá dúas quendas e o gañador ou gañadora de cada unha delas recibirá un diploma e un Acebecheque de 30 euros. A organización desta actividade, que xa cubriu o medio cento de prazas dispoñibles nos primeiros días de inscrición, correrá a cargo da polifacética artista Gemola con quen ACEBE CCA colabora este ano.