ACEBE CCA celebra o seu corenta aniversario

ACEBE CCA está de celebración. Cúmprense corenta anos dende que botou a andar a asociación que hoxe integra a boa parte dos empresarios, comerciantes e hostaleiros de Betanzos.

O 23 de setembro de 1980 reuniuse, por primeira vez, a xunta directiva provisional da “Asociación de Empresarios del Comercio de Betanzos” nos locais do Hospital de San Antonio. Esta primeira directiva, presidida por Tomás Pérez Doporto, iniciou a andaina desta entidade que, corenta anos despois, segue a traballar en favor do comercio e das empresas betanceiras.

En 1984 tomou o relevo na presidencia da por aquel entón denominada “As.Co.Be”, Antonio Selgas Goyanes ao que seguiron á fronte das sucesivas directivas Francisco Deive Dapena, Alberto Catalá Hidalgo, Fernando Gómez Mourelo, Mercedes Rosende Gabín e Antonia Anido Díaz, que actualmente preside o colectivo.

Ao longo destes corenta anos a asociación foi evolucionando e medrando. Pasou a incorporar no seu ámbito non só ao comercio senón tamén ás pequenas empresas, denominándose máis tarde “Asociación de Comerciantes y Empresarios de Betanzos (ACEBE)” e, posteriormente, constituiuse en Centro Comercial Aberto, coa súa actual nomenclatura: ACEBE CCA.

En todos estes anos foron moitas as accións que a asociación levou a cabo, entre elas a creación do periódico “Betanzos e a súa comarca” en 1992, a organización de campañas promocionais, a celebración de eventos como desfiles de moda, feiras empresariais, mercados de oportunidades, accións formativas,… En 2012 recibiu o Premio Garelo de Comercio e Industria, outorgado polo Concello de Betanzos.

Actualmente, está integrada por case 200 socios e socias e mantén a súa liña orixinal de velar polos intereses dos sectores aos que representa: comercio, hostalería e pequena e mediana empresa con accións orientadas á procura dun beneficio global para Betanzos.


Novas relacionadas


ACEBE CCA ORGANIZA UNHA NOVA EDICIÓN DO BETANZOS SHOWROOM CELEBRA O 25 E 26 DE NOVEMBRO NO EDIFICIO LICEO

17/11/2023

Os días 25 e 26 de novembro ACEBE CCA organiza no Edificio Liceo unha nova edición do Betanzos Showroom Celebra no que participan nove  expositores...


leer máis


OS PARTICIPANTES NO BETANZOS SHOWROOM CELEBRA SORTEAN AGASALLOS ENTRE OS VISITANTES DO EVENTO

17/11/2023

Os nove negocios que participan nesta nova edición do Betanzos Showroom Celebra organizado por ACEBE CCA sortean agasallos entre os visitantes do eve...


leer máis


A CANDIDATURA DE MARÍA LUISA PÉREZ IGLESIAS ELIXIDA POR UNANIMIDADE PARA DIRIXIR ACEBE CCA OS PRÓXIMOS DOUS ANOS

15/11/2023

ACEBE CCA ten nova xunta directiva para os próximos dous anos. Os socios e socias reunidos en Asemblea elixiron por unanimidade a candidatura presidi...


leer máis


ACEBE CCA CELEBRA O SAMAÍN CON DOCES SORPRESAS E UN MISTERIO POR RESOLVER

27/10/2023

Unha vintena de negocios de diferentes sectores sumouse á proposta de ACEBE CCA para festexar o Samaín agasallando cunha doce sorpresa aos  nenos e...


leer máis