ACEBE CCA celebrará o 19 de novembro eleccións para renovar a súa xunta directiva

Imaxe dunha das últimas eleccións de ACEBE CCA / ARUME

A Asociación de Comerciantes e Empresarios de Betanzos, Centro Comercial Aberto (ACEBE CCA) renovará a súa xunta directiva o vindeiro 19 de novembro, logo de transcorridos os dous anos de mandato que marcan os estatutos.

A Asemblea electoral para elixir á nova directiva está convocada para as 21.00 horas do 19 de novembro no Salón Azul do Edificio Arquivo Liceo.

O prazo de presentación de candidaturas estará aberto entre os días 4 e o 18 de novembro. As listas deberán presentarse nas oficinas de ACEBE CCA, na Praza Mestre Xosé Dapena número 1, baixo esquerda ata as 14.00 horas do luns 18 de novembro.

Según establecen os estatutos da asociación, a xunta directiva, que é o órgano executivo e delegado da Asamblea, debe estar constituído por un/a presidente/a, vicepresidente/a, secretario/a, tesoureiro/a e cinco vogais.

A elección realizarase por sufraxio universal directo e segredo entre os que formen parte da Asemblea Xeral. Poderán presentarse como candidatos/as á xunta directiva calquera socio ou socia que o desexe e que configure un equipo de nove persoas. Para calquera dúbida poden chamar ao teléfono 981774574, por whatsApp no 618829804 (en horario de luns a venres de 10.00 a 14.00 horas) ou por correo electrónico no enderezo: acebe@comerciodebetanzos.com

A actual presidenta de ACEBE CCA, Antonia Anido, en nome da xunta directiva, anima aos socios e socias da entidade a participar neste proceso electoral tanto presentando as súas candidaturas como participando nas votacións do día 19.

"Animamos a todos os socios e socias a que presenten as súas candidaturas e contribúan así a unha renovación dos cargos directivos. Ademais, convidamos aos asociados e asociadas a que asistan á Asemblea para que a xunta directiva que resulte elixida poida contar co maior apoio posible da masa social da entidade", dixo Anido.

Asemblea xeral ordinaria

Na mesma xornada, ACEBE CCA convoca unha Asemblea Xeral ordinaria na que a actual directiva en funcións presentará a programación de Nadal que a entidade ten previsto organizar no mes de decembro.

Esta asemblea está convocada para o 19 de novembro ás 20.30 horas en primeira convocatoria e 21.00 horas en segunda convocatoria.

Na orde do día inclúesense outros puntos de interese como a alta de novos socios ou a comunicación dos festivos do mes de decembro nos que se autoriza a apertura comercial.

Unha vez finalizada esta primeira xuntanza comezará a asemblea electoral.


Novas relacionadas


ABERTO ATA O 4 DE DECEMBRO O PRAZO DE INSCRICIÓN NA CAMPAÑA DE ESQUÍ DA DEPUTACIÓN

12/11/2019

A Deputación da Coruña organiza a Campaña de Esquí 2020 na que poderán participar un total de cincocentos nenos e nenas da provincia repartidos e...


leer máis


BETANZOS ACOLLE UNHA XORNADA SOBRE RÉXIME XURÍDICO DAS ACTIVIDADES DEPORTIVAS NO MEDIO NATURAL

17/10/2019

Os días 19 e 20 de outubro celebraranse no cinema Alfonsetti de Betanzos unhas xornadas sobre réxime xurídico das actividades deportivas no medio n...


leer máis


REMATAN AS OBRAS DO PATIO CUBERTO DO AULARIO DO VALES VILLAMARÍN

15/10/2019

Os escolares do aulario de infantil do Vales Villamarín xa poden acceder ao edificio utilizando o novo patio cuberto en lugar de entrar pola zona ver...


leer máis


CASA MIRANDA GAÑA POR QUINTA VEZ O PREMIO DO XURADO DA SEMANA DA TORTILLA DE BETANZOS

14/10/2019

Casa Miranda logrou por quinta vez o primeiro premio da Semana da Tortilla de Betanzos. O xurado, presidido polo recoñecido cociñeiro Luis Veira, el...


leer máis