ACEBE CCA contrata persoal de apoio á xerencia a través do Programa operativo de emprego xuvenil

ACEBE CCA reforzou a súa plantilla coa incorporación dun traballador para realizar tarefas de reforzo da unidade xerencial para o asesoramento a empresas e creación de estratexias de Promoción. O contrato enmárcase dentro da convocatoria de subvencións do Programa operativo de emprego xuvenil, cofinanciado pola Iniciativa de emprego xuvenil e o Fondo Social Europeo.

As tarefas que desenvolverá o novo empregado da asociación, que asinou un contrato por un periodo de 9 meses, son principalmente asesoramento a empresas e creación de estratexias de captación e fidelización de clientes.

ACEBE CCA estableceu uns criterios de selección baseados nos requisitos da convocatoria: Persoa de entre 18 e 30 anos, desempregada, inscrito como tal no Servizo Público de Emprego e no Sistema Nacional de Garantía Xuvenil. Unha vez recibidas do INEM as candidaturas que se axustaban a estes requisitos básicos, a asociación realizou as correspondentes entrevistas e na selección final primou, ademais da súa formación e currículum, o feito de que o candidato elixido era residente en Betanzos.