ACEBE CCA dá a coñecer aos gañadores da edición especial de Betanchef 2020

Imaxe da fotografía gañadora dunha das categorías de Instagram

A edición especial de Betanchef, organizada por ACEBE CCA e que se desenvolveu a través das redes sociais coa tortilla de Betanzos como protagonista, contou cunha ampla participación tanto de concursantes como de cociñeiros e chefs que colaboraron coa iniciativa aportando os seus vídeos e fotografías. A campaña rematou o pasado 10 de maio e xa se coñecen os gañadores das catro categorías nas que se podía participar.

Begoña Velo Villar foi a gañadora da categoría denominada Premio Gadis ao vídeo en Facebook con máis “Me gusta” e que apadriñou ao establecemento asociado a ACEBE CCA Viajes Betantur.

Gonzalo Bermúdez Candal obtivo o premio ao vídeo en Facebook máis compartido e apadriñou ao establecemento asociado a ACEBE CCA, Bicoca Moda Home.

Hotel Garelos foi o gañador da categoría premio á story de Instagram máis vista e o seu apadriñado foi Restaurante Sinuessa.

Por último, o perfil @natalialloco foi o gañador do premio á story de Instagram con máis “likes” e apadriñou a Café Lanzós.

Cada un deles recibirá un acebecheque por valor de 100 euros para gastar nos comercios e empresas asociadas a ACEBE CCA, agás a gañadora da primeira categoría, cuxo cheque é aportado por Gadis e deberá gastarse no supermercado que a compañía ten en Betanzos. Ademais, recibirán un lote de viño Galicia Calidade, unha lata de patacas fritas Bonilla A La Vista, e unha comida ou cea para dúas persoas nun restaurante asociado a ACEBE CCA.

Os establecementos comerciais apadriñados polas persoas gañadoras recibirán tamén un detalle cedido polos patrocinadores do evento. Para a organización desta iniciativa promocional ACEBE CCA contou coa colaboración da Xunta de Galicia, da Deputación da Coruña e do Concello de Betanzos e coas aportacións de Gadis, Bonilla a la Vista e Galicia Calidade.


Novas relacionadas


OS PREMIADOS DA CAMPAÑA DE VERÁN DE ACEBE CCA XA PODEN RECOLLER OS SEUS REGALOS

05/07/2022

A sede de ACEBE CCA acolleu o 4 de xullo o sorteo dos 32 premios da súa campaña de verán "Betanzos énchese de soles", ante o notario Óscar López...


leer máis


A CAMPAÑA DÍAS AZUIS DO COMERCIO GALEGO SORTEA 12.000 EUROS EN PREMIOS

23/06/2022

Xa está en marcha unha nova edición da campaña "Días Azuis do Comercio Galego" que sorteará 12.000 euros en premios entre os clientes dos negocio...


leer máis


A CAMPAÑA BETANZOS ÉNCHESE DE SOLES DE ACEBE CCA REPARTIRÁ 32 PREMIOS VALORADOS EN 1200 EUROS

23/05/2022

“Betanzos énchese de soles” é o lema da novidosa campaña que a Asociación de Comerciantes e Empresarios de Betanzos, Centro Comercial Aberto (...


leer máis


ACEBE CCA ORGANIZA UN CONCURSO DE REDACCIÓN CON MOTIVO DO DÍA DA NAI

05/04/2022

ACEBE CCA organiza un concurso de redacción para escolares de entre 6 e 12 anos baixo o lema "Hoxe escribo sobre a miña nai". Os nenos e nenas que p...


leer máis