ACEBE CCA entrega os premios da Campaña de Outono

Ana e Loli, as gañadoras do sorteo da Campaña de Outono de ACEBE CCA, xa teñen activados nos seus móbiles cadanseu bono de 75 euros para gastar nos negocios asociados.

A acción promocional estivo activa entre o 18 de setembro e o 18 de outubro e consistiu na acumulación de tíckets de compra por un valor de 300 euros entre os clientes dos establecementos asociados e usuarios da App AcebeCCA.

O sorteo celebrouse o 19 de outubro a través da propia aplicación que seleccionou as persoas gañadoras ao azar.

Unha vez comprobado que ambas as dúas cumprían cos requisitos establecidos nas bases da campaña activáronse nos seus móbiles os bonos, que poderán canxear nos establecementos asociados amosando o código QR da App no momento de efectuar o pago.

A campaña é un proxecto cofinanciado pola Xunta de Galicia e actividade subvencionada pola Deputación da Coruña.