ACEBE CCA estrea a súa nova App co sorteo dun premio de 100 euros

Mónica Souto, Claudia Marques, Belinda Lameiro, Mª Luisa Pérez, Eva García e Susana Mourón, da directiva de ACEBE CCA, durante a presentación da nova campaña da asociación / FOTO ARUME

ACEBE CCA estreará a súa nova App coa campaña de primavera na que sorteará un bono de 100 euros para canxear nos establecementos asociados. A acción promocional estará activa entre o 17 de abril e o 30 de maio e consistirá na acumulación de tíckets de compra por un valor de 300 euros.

Para poder participar, o cliente terá que descargar a aplicación Acebecca, darse de alta como usuario, entrar na campaña e rexistrar os tíckets de compra que reúna entre o 17 de abril e o 30 de maio ata sumar un valor de 300 euros. As compras deberán realizarse nos establecementos asociados a ACEBE CCA entre as datas indicadas para que teñan validez.

Os clientes poderán así participar no sorteo dun bono de 100 euros que se celebrará o 31 de maio mediante a propia aplicación que seleccionará á persoa gañadora ao azar.

A organización comprobará que a persoa gañadora cumpre cos requisitos establecidos nas bases e, unha vez feitas as comprobacións, contactará co premiado para activar na súa app o bono. De non cumprir cos requisitos volverá a realizarse o sorteo.

O cliente que resulte premiado recibirá un bono de 100 euros que poderá canxear a través da App nos establecementos asociados, só con amosar o código QR da App no momento de efectuar o pago.

Os socios e socias de ACEBE CCA e as persoas empregadas das diferentes empresas asociadas tamén poderán participar na campaña, se ben non poderán facelo con tíckets de compra dos establecementos dos que son titulares ou nos que traballan. Non poderán participar os membros da xunta directiva da asociación nin as persoas empregadas da entidade.

O premio só poderá canxearse mediante a aplicación polo que é moi importante que os socios e socias a teñan descargada.

Pode consultar aquí as bases da promoción.

A campaña conta coa financiación da Xunta de Galicia e da Deputación da Coruña.

A aplicación Acebecca pode descargarse desde PlayStore ou AppStore, ou a través dos seguintes enlaces: 

ANDROID:https://play.google.com/store/apps/details?id=es.bitnorte.acebecca
iPHONE: https://apps.apple.com/es/app/acebecca/id6444877936

Novas relacionadas


A CAMPAÑA DE PRIMAVERA DE ACEBE CCA SORTEA 2000 BOLSAS DE TEA DE DESEÑO EXCLUSIVO A TRAVÉS DA SÚA APP

11/04/2024

ACEBE CCA porá en marcha entre o 15 de abril e o 10 de maio a súa campaña de primavera na que sorteará, mediante premio directo, 2.000 bolsas de t...


leer máis


ACEBE CCA PON EN MARCHA A CAMPAÑA DE ENVÍOS GRATUÍTOS PARA AS VENDAS EN LIÑA

21/03/2024

ACEBE CCA puxo en marcha o servizo de envíos gratuítos para as vendas en liña ao que polo momento se sumaron un total de 18 comercios. Trátase dun...


leer máis


ACEBE CCA E BANCO SABADELL ASINAN UN CONVENIO DE COLABORACIÓN CON VANTAXES PARA OS NEGOCIOS ASOCIADOS

15/03/2024

A Asociación de Comerciantes e Empresarios de Betanzos, Centro Comercial Aberto (ACEBE CCA) e Sabadell Gallego asinaron a renovación do convenio de ...


leer máis


ACEBE CCA ORGANIZA UNHA NOVA EDICIÓN DE MERCABETANZOS O 2 E 3 DE MARZO NO LICEO

16/02/2024

ACEBE CCA organiza na fin de semana do 2 e 3 de marzo unha nova edición de MercaBetanzos, a feira de oportunidades do comercio local, na que particip...


leer máis