ACEBE CCA incorpora unha traballadora á plantilla a través dunha subvención da Xunta

ACEBE CCA incrementou a súa plantilla cunha traballadora contratada a través dunha subvención cofinanciada pola Unión Europea no marco do programa FSE+GALICIA 2021-2027. A traballadora foi contratada para realizar tarefas de reforzo da unidade xerencial na área administrativa por un periodo de nove meses. O contrato enmárcase dentro da convocatoria de subvencións para organismos intermedios que contraten persoas novas inscritas no Sistema Nacional de Garantía Xuvenil, no ámbito da Comunidade Autónoma de Galicia.

O obxectivo do programa é posibilitar ás persoas contratadas realizar un traballo efectivo que lles procure unha práctica profesional necesaria para a súa integración no mercado de traballo.

ACEBE CCA estableceu uns criterios de selección baseados nos requisitos da convocatoria: Persoa de entre 18 e 30 anos, desempregada, inscrito como tal no Servizo Público de Emprego e no Sistema Nacional de Garantía Xuvenil. Na selección final primou o feito de que a candidata elixida era residente en Betanzos.