ACEBE CCA instalará un parque infantil de xogos dentro da súa Campaña de Nadal

A Campaña de Nadal de ACEBE CCA incluirá este ano a instalación dun parque infantil de xogos ubicado nunha carpa de 200 metros cadrados que se colocará na Praza dos Irmáns García Naveira durante as vacacións escolares.

Para acceder ao parque será preciso entregar invitacións que poderán conseguirse nos negocios asociados a ACEBE CCA. O recinto de xogos estará aberto dende o 22 de decembro ata o 5 de xaneiro en horario de 12.00 a 13.30 horas e de 17.00 a 20.00 horas, agás os días 24 e 31 de decembro e o 5 de xaneiro, que abrirá só en horario de mañá. Os días 25 de decembro e 1 de xaneiro permanecerá pechado.

O parque estará atendido por monitores e inclúe zonas diferenciadas por idades. Para os máis pequenos haberá un Área baby, con xogos como bloques de construcción, un recuncho de promoción lectora, cesto dos tesouros, etc.  Tamén se instalará un Área de Mobilidade, cun circuíto e catro vehículos a pedais con decoración de Nadal. Os nenos e nenas de Primaria disporán dun área de xogos xigantes e populares como Conecta 4, jenga, mikado, parrulos, quebracabezas, buxainas… e un inchable de 4x5 metros. O parque complétase cun photocall de Nadal.

Tanto a Campaña de Nadal como o Parque infantil de xogos son actividades cofinanciadas pola Xunta de Galicia e subvencionadas pola Deputación da Coruña e o Concello de Betanzos. Ademais contan coa colaboración de Gadis.