ACEBE CCA organiza Betanchef 2020 a través das redes sociais e coa tortilla de Betanzos como protagonista

ACEBE CCA pon en marcha unha edición especial de Betanchef que se desenvolverá a través das redes sociais e que estará adicada á tortilla de Betanzos. A campaña iniciarase o 20 de abril e rematará o 10 de maio e poderán participar todas as persoas que o desexen a través de Facebook e Instagram.

Haberá catro categorías de premios e un gañador por categoría.

Como participar

Para participar en Betanchef 2020 é preciso subir unha foto ou vídeo a Facebook ou Instagram nos que a protagonista sexa unha tortilla de Betanzos, realizada cos medios que cada persoa teña nos seus fogares. A foto ou vídeo pode incluir calquera parte do proceso de elaboración da tortilla, a libre elección das persoas participantes. Segue e etiqueta na publicación a @betan_chef @acebe.cca con cancelo #betancheftortilla.

Ademais, cada participante deberá “apadriñar” (etiquetar) a un negocio asociado de ACEBE CCA e retar, mediante etiqueta da rede social, polo menos a outra persoa para que participe no reto.

Os participantes poderán subir unha foto e unha storie en Instagram e un vídeo en Facebook aínda que non é obrigatorio participar nas tres categorías á vez. A participación está limitada a unha única peza por rede social e perfil de usuario.

Cada foto ou vídeo ten que incluir unha descripción na que se inclúa o apadriñamento (etiqueta) dun negocio asociado a ACEBE CCA e o reto a outra persoa, como mínimo, para que participe no concurso. Tamén deberán incluirse as etiquetas @acebe.cca e o cancelo #Betanchef. Para coñecer polo miúdo a forma de participar en cada unha das categorías consulta as Bases da Promoción.

Premios

Haberá catro categorías de premios. En Facebook, un premio ao vídeo con máis “Me Gusta” e outro ao vídeo máis compartido. En Instagram, un premio á story máis vista e outro á foto con máis “Likes”

O premio para cada categoría consiste nun paquete que inclúe unha comida ou cea para dúas persoas nun restaurante asociado de ACEBE CCA e un talón de regalo de 100 euros para consumir nos comercios e empresas asociadas a ACEBE CCA.

Só se entregará un premio por perfil ou usuario. En caso de que un usuario fose o primeiro en máis dunha categoría poderá elixir en qué categoría quere ser o ganador.

O prazo para participar no concurso abrirase ás 00.00 horas do 20 de abril de 2020 e pechará ás 23.59 horas do 10 de maio de 2020.