ACEBE CCA organiza o segundo "Betanzos Showroom Celebra" os días 19 e 20, cun desfile de noiva, comuñón e arras

Os días 19 e 20 de novembro ACEBE CCA organiza no Edificio do Matadoiro a segunda edición do “Betanzos Showroom Celebra” no que se darán cita nove expositores de sectores relacionados coa celebración de eventos: roupa de noiva, comuñón, arras e bautizo, fotografía, maquillaxe, viaxes, agasallos, doces, música, animación…

Nesta segunda edición participan un total de nove negocios asociados a ACEBE CCA: Cuore Boutique, Larpeiradas Babel, Xoma Kids, Zafiro Tours, Selperia, Discomóvil Sebas 21, Rocigarcía, SV Estética e Soloe Viajes. O evento conta coa colaboración especial de Flores Dans e de El Rastro de Merce que se ocuparán da decoración do recinto.

A entrada será libre e o horario será de 11.00 a 15.00 horas e de 16.00 a 20.00 horas tanto o sábado como o domingo. O sábado pola tarde, a partir das 17.30 horas haberá desfiles de noiva, comuñón e arras.

“Betanzos Showroom Celebra” está organizado por ACEBE CCA e conta coa colaboración do Concello de Betanzos, da Deputación da Coruña e da Xunta de Galicia.