ACEBE CCA organiza un concurso de redacción con motivo do Día da Nai

ACEBE CCA organiza un concurso de redacción para escolares de entre 6 e 12 anos baixo o lema "Hoxe escribo sobre a miña nai". Os nenos e nenas que participen no certame poderán gañar un premio de 30 euros, en dous acebecheques de 15 euros cada un, para gastar en Libraría Biblos, Librería Brea, Don Dino, Co&Co Diseño ou Alecrín, coa intención de que o premio sexa lúdico e cultural: libros, xogos, material escolar ou de manualidades, etc.

Mecánica do concurso

A temática do concurso está relacionada coa celebración do Día da Nai e os nenos e nenas participantes terán que enviar as súas redaccións escritas en galego ao correo electrónico: periodico@comerciodebetanzos.com antes do 22 de abril.

As redaccións non poderán exceder os 2.000 caracteres, espazos incluídos, e deberán remitirse como arquivo adxunto, indicando no asunto “Concurso Día da Nai”. No texto do correo electrónico indicarase o título da redacción e os datos persoais do autor ou autora: nome e apelidos, idade, municipio de residencia e un teléfono de contacto do pai, nai ou titor/a legal do menor. Estes datos non deben figurar na redacción.

ACEBE CCA nomeará a un xurado que estará formado por membros da Asociación Cultural Lar de Unta, que serán os encargados de determinar cal é a redacción gañadora.

As persoas que forman parte do xurado recibirán copia das redaccións numeradas segundo a orde de chegada e sen que consten os datos persoais do autor ou autora. Unha vez que o xurado elixa o texto gañador procederase á identificación do neno ou nena que o escribiu.

ACEBE CCA porase en contacto co gañador ou gañadora mediante unha chamada telefónica ou por correo electrónico para coordinar a entrega do premio. A data límite para recoller os acebecheques será o 24 de maio de 2022 e a persoa gañadora terá ata o 24 de xuño de 2022 para canxealo nalgún dos establecementos indicados nas bases.

A iniciativa é un proxecto cofinanciado pola Xunta de Galicia e a Deputación da Coruña.

Novas relacionadas


REMATA A CAMPAÑA DE ENVÍOS GRATUÍTOS PARA VENDAS EN LIÑA NA QUE SE INSCRIBIRON 20 COMERCIOS

21/09/2023

O vindeiro 30 de setembro finaliza a campaña de envíos gratuítos para as vendas en liña que ACEBE CCA puxo en marcha en abril deste ano e da que s...


leer máis


A CAMPAÑA DE OUTONO DE ACEBE CCA SORTEA DOUS BONOS DE 75 EUROS A TRAVÉS DA SÚA APLICACIÓN MÓBIL

13/09/2023

A Asociación de Comerciantes e Empresarios de Betanzos, Centro Comercial Aberto, ACEBE CCA, pon en marcha o 18 de setembro a súa Campaña de Outono ...


leer máis


ACEBE CCA ORGANIZA UN CONCURSO PARA ENCHER BETANZOS DE GLOBOS

11/08/2023

ACEBE CCA convoca un concurso para encher Betanzos de globos no que poderán participar todas as persoas que o desexen elaborando un globo no formato ...


leer máis


FRANCISCO SUÁREZ GAÑA O BONO DE 100 EUROS DA CAMPAÑA DE PRIMAVERA DE ACEBE CCA

31/05/2023

Francisco Suárez foi o gañador da campaña de primavera de ACEBE CCA na que se sorteaba, a través da App Acebecca, un bono de 100 euros para gastar...


leer máis