ACEBE CCA organiza unha nova edición de MercaBetanzos o 2 e 3 de marzo no Liceo

ACEBE CCA organiza na fin de semana do 2 e 3 de marzo unha nova edición de MercaBetanzos, a feira de oportunidades do comercio local, na que participarán unha ducia de establecementos asociados. O evento celebrarase na planta alta do Edificio Arquivo (Liceo) en horario ininterrompido: o sábado de 11.00 a 21.00 horas e o domingo de 11.00 a 20.00 horas.

MercaBetanzos está concebido para que os negocios locais asociados a ACEBE CCA poidan dar saída aos seus artigos e produtos de stock que venderán a prezos rebaixados. Nesta edición haberá postos de moda infantil, xuvenil e de adultos, lencería e baño, calzado, complementos e produtos de óptica e parafarmacia.

En total participarán once negocios asociados a ACEBE CCA: Bicos, Chocolat, Dans, Distrito Palmeras, El Cantón Ropa Interior, Isi moda y complementos, Lencería Alicia, Miraquelinda, Parafarmacia y Óptica Selgas, Tartaruga e Xoma Kids.

MercaBetanzos é un proxecto cofinanciado pola Xunta de Galicia e actividade subvencionada pola Deputación da Coruña e o Concello de Betanzos.