ACEBE CCA organiza unha nova edición do Betanzos Showroom Celebra o 25 e 26 de novembro no Edificio Liceo

Os días 25 e 26 de novembro ACEBE CCA organiza no Edificio Liceo unha nova edición do Betanzos Showroom Celebra no que participan nove  expositores de sectores relacionados coa celebración de eventos: roupa de noiva, de comuñón, bautizo e arras, fotografía, maquillaxe, viaxes, perruquería e estética, doces, música, animación…

As persoas que acudan ao evento poderán visitar os stands de Cuore Boutique, Larpeiradas Babel, Xoma Kids, Zafiro Tours, Selperia, Discomóvil Sebas 21, SV Estética, La Pelu de Nana e Soloe Viajes. O evento conta coa colaboración especial de Flores Dans e de El Rastro de Merce que se ocuparán da decoración do recinto.

A entrada será gratuíta e o horario será ininterrompido de 11.00 a 20.00 horas tanto o sábado como o domingo. O sábado pola tarde, a partir das 18.00 horas haberá un desfile infantil de comuñón e arras.

Ademais, haberá demostracións en varios dos stands e os negocios participantes sortearán agasallos entre os visitantes.

Betanzos Showroom Celebra está organizado por ACEBE CCA e patrocinado pola Xunta de Galicia, a Deputación de A Coruña e o Concello de Betanzos, coa colaboración de El Rastro de Merce e Flores Dans.