ACEBE CCA presenta a súa nova App para clientes e asociados

A directiva de ACEBE CCA durante a presentación da App

ACEBE CCA acaba de presentar a súa nova App que dispón de múltiples funcionalidades tanto para os asociados como para os clientes dos negocios que forman parte da entidade.

A aplicación permitirá xestionar campañas de fidelización de tres tipos: sorteos con premios directos e premio final, nas que o cliente poderá obter un regalo de forma inmediata e, no caso de non ser premiado, optar a un sorteo final; sorteos con premio final, mediante o rexistro de ticket de compras; concursos, nos que o cliente participa nun sorteo final logo de puntuar, a través da app, unha serie de produtos.

Por outro lado, os propios asociados poderán xerar a través da App tarxetas regalo do establecemento que só poderán canxearse no seu negocio; campañas de acumulación de saldo por compras; campañas de comercio circular ofrecendo bonos para consumir noutros negocios, etc.

ACEBE CCA comunicará proximamente aos seus socios e socias as claves de acceso para que poidan xestionar a App para o seu negocio. Ao mesmo tempo poden acceder como particulares cun usuario e contrasinal para beneficiarse das vantaxes que ofrecen os outros asociados ou participar nas campañas que se xeren a través da aplicación dende a Asociación. A App permitirá tamén identificar aos socios e socias e aos seus empregados, mediante un código QR, para que poidan beneficiarse das condicións vantaxosas que ofrecen outros negocios a través dos convenios asinados con ACEBE CCA.

Pola súa parte, os clientes que descarguen a aplicación poderán participar dunha forma sinxela e directa nas diferentes campañas que organice a Asociación ou nas que realicen os diferentes establecementos.

A aplicación, que xa está dispoñible para Android e Ios, está de-senvolvida pola empresa BitNorte Consulting que xa puxo en marcha outras similares para asociacións de comerciantes doutras localidades polo que as prestacións que ofrece están testadas.

A directiva de ACEBE CCA presentou esta nova ferramenta durante a Asemblea Xeral de Socios que se celebrou o 2 de marzo e na que un responsable da empresa BitNorte Consulting se encargou de respostar todas as dúbidas das persoas asistentes. "Con esta aplicación damos un paso moi importante de cara á modernización dos nosos servizos, o que facilitará moito a xestión. A App é moi intuitiva no seu manexo e permítenos poñer a disposición dos nosos asociados unha ferramenta dixital que lles ofrece múltiples vantaxes", explicou a presidenta de ACEBE CCA, María Luisa Pérez Iglesias.


Noticia extraída do Nº 364 de Betanzos e a súa comarca

Novas relacionadas


ACEBE CCA ORGANIZA UNHA NOVA EDICIÓN DE MERCABETANZOS O 2 E 3 DE MARZO NO LICEO

16/02/2024

ACEBE CCA organiza na fin de semana do 2 e 3 de marzo unha nova edición de MercaBetanzos, a feira de oportunidades do comercio local, na que particip...


leer máis


ACEBE CCA SORTEA 100 EUROS NA SÚA CAMPAÑA DE SAN VALENTÍN

07/02/2024

ACEBE CCA sorteará 100 euros en acebecheques a través da súa campaña de San Valentín. Para participar será preciso respostar a un cuestionario a...


leer máis


ACEBE CCA COLABORA NA VENDA DOS CALENDARIOS SOLIDARIOS NOEL BALSA GONZÁLEZ

11/12/2023

Xa están á venda os calendarios solidarios Noel Balsa González que edita o IES Francisco Aguiar de Betanzos co patrocinio da Fundación Mª José J...


leer máis


ACEBE CCA INSTALARÁ UN PARQUE INFANTIL DE XOGOS DENTRO DA SÚA CAMPAÑA DE NADAL

04/12/2023

A Campaña de Nadal de ACEBE CCA incluirá este ano a instalación dun parque infantil de xogos ubicado nunha carpa de 200 metros cadrados que se colo...


leer máis