ACEBE CCA sortea 100 euros na súa campaña de San Valentín

ACEBE CCA sorteará 100 euros en acebecheques a través da súa campaña de San Valentín. Para participar será preciso respostar a un cuestionario ao que se pode acceder a través das redes sociais de ACEBE CCA (Instagram ou Facebook) ou mediante este código QR impreso nos carteis promocionais. Ao rematar o cuestionario ofreceranse suxestións de agasallos que poden atoparse nos negocios asociados.

O cuestionario deberá respostarse antes das 00.00 horas do 12 de febreiro para que a participación no sorteo sexa válida, indicando o nome e apelidos, teléfono, correo electrónico de contacto e o nome do perfil de Facebook ou Instagram da persoa participante.

Nun prazo de 24 horas desde o envío das respostas, ACEBE CCA remitiralle á persoa participante un correo electrónico confirmando a súa participación e recomendándolle catro posibles agasallos para San Valentín.

O sorteo realizarase o 14 de febreiro ás 12.00 horas mediante unha ferramenta dixital que seleccionará ao azar a unha persoa de entre todas as participantes. O resultado publicarase nas contas de Facebook e Instagram de ACEBE CCA.

A asociación contactará coa persoa premiada e, se non resposta antes das 12.00 horas do 16 de febreiro, realizarase un segundo sorteo que terá como prazo de resposta ata o 19 de febreiro.

A data límite para canxear o premio será o 15 de marzo de 2024 e o acecheque por valor de 100 euros poderá gastarse en calquera dos 160 establecementos asociados a ACEE CCA. Pode consultar aquí as bases completas da promoción.

Esta campaña é un proxecto cofinanciado pola Xunta de Galicia e actividade subvencionada pola Deputación da Coruña e o Concello de Betanzos.