ACEBE CCA sortea 150 euros en premios a través da App

ACEBE CCA pon en marcha o 15 de setembro a súa campaña de outono, na que sorteará dous bonos de 75 euros cada un a través da aplicación móbil AcebeCCA.

Os premios  adxudicaranse mediante un sorteo que se realizará a través da propia app e poderán gastarse en calquera dos negocios asociados á entidade.

Como participar

Para participar na campaña, os clientes deberán ter descargada a app AcebeCCA, entrar no enlace da campaña, reunir tíckets de compra por valor de 300 euros e rexistralos na aplicación.

Os tíckets deben corresponderse con compras realizadas en establecementos asociados a ACEBE CCA e nas datas nas que estea vixente a campaña, é dicir, entre o 15 e o 30 de setembro.

Unha vez que se acaden os 300 euros en compras, os clientes poderán seguir participando, xuntando máis tíckets e incrementando as oportunidades de gañar.

Sorteo

Unha vez finalizada a campaña, o día 1 de outubro realizase o sorteo a través da aplicación móbil. A organización comprobará que as persoa gañadoras cumpren cos requisitos. Se algunha non cumpre co establecido nas bases realizarase un novo sorteo. A asociación comunicarase con cada unha das persoas que resultaran premiadas e acordarase unha cita para activar o seu bono de 75 euros na aplicación do premiado.

Os gañadores poderán gastar os seus premios tan só amosando o código QR do bono no momento de realizar a compra. O importe do premio pode canxearse exclusivamente en negocios asociados a ACEBE CCA, ben integramente nunha compra ou repartido en varias ata esgotar o saldo.

A campaña de outono de ACEBE CCA está cofinanciada pola Xunta de Galicia, a Deputación da Coruña e o Concello de Betanzos.