ACEBE CCA celebra o sorteo dos 1500 euros da Campaña de Nadal

ACEBE CCA realizou o 10 de xaneiro o sorteo ante notario dos premios da Campaña "Betanzos ilumina o teu Nadal" organizada pola asociación para incentivar o consumo nas empresas asociadas e para premiar a fidelidade dos clientes.

A acción promocional desenvolveuse entre o 13 e o 31 de decembro nos comercios asociados a ACEBE CCA. Os empresarios repartiron entre os seus clientes os  boletos para participar no sorteo de 1.500 euros en premios que se distribúen nun primeiro premio de 500 euros, dous segundos de 250 euros cada un e cinco terceiros de 100 euros cada un.

Os premios entregaranse en forma de tarxeta regalo e poderán canxearse nos establecementos asociados a ACEBE CCA. As persoas que teñan algún dos boletos gañadores deberán comunicarse coas oficinas de ACEBE CCA, situadas na Praza Mestre José Dapena, número 1, baixo (Edificio Escolas García Naveira) ou chamar por teléfono ao 981774574, en horario de luns a venres de 10.00 a 14.00 horas. A data límite para reclamar os premios será o venres 28 de xaneiro ás 14:00 horas. Consulta aquí os números premiados.

A campaña completouse con talleres de Nadal impartidos por Compás Proxectos. A iniciativa contou coa colaboración da Xunta de Galicia, da Deputación da Coruña, do Concello de Betanzos e co patrocinio de Gadis.