ACEBE CCA sortea os 26 premios da campaña de verán

A Asociación de Comerciantes e Empresarios de Betanzos, Centro Comercial Aberto (ACEBE CCA) realizou o pasado 6 de xullo o sorteo ante notario dos 26 premios da campaña de verán "Merca, GAÑA e dálle vida".

A asociación sorteou un total de 15 acebecheques de 50 euros cada un (10 para gastar en calquera dos establecementos asociados a ACEBE CCA e 5 para gastar nos negocios de hostalería integrados no colectivo).

Ademais, sorteáronse 10 roteiros de eco-turismo pola comarca das Mariñas para dúas persoas organizados por Compás Proxectos, e unha fin de semana nunha casa de turismo rural da provincia, canxeable na axencia Eroski Viaxes Betanzos.

As persoas que teñan algún dos boletos premiados deberán poñerse en contacto coas oficinas de ACEBE CCA antes do 23 de xullo para reclamar o seu premio. Poden facelo por teléfono, chamando ao 981774574 ou ao 618829804, de luns a venres en horario de 10.00 a 14.00 horas. Tamén poden contactar a través do correo electrónico: acebe@comerciodebetanzos.com

A campaña promocional contou co apoio da Xunta de Galicia, da Deputación da Coruña, do Concello de Betanzos e de Gadis. Podes consultar os números premiados aquí.