ACEBE CCA sortea máis de 1400 euros en premios na Campaña de Nadal

ACEBE CCA organiza unha nova campaña de Nadal con rifas na que sorteará 1410 euros en premios entre os clientes que realicen as súas compras nos establecementos asociados entre o 12 e o 29 de decembro.

Haberá tres premios aportados pola asociación, un de 200 euros e dous de 150 euros cada un. Os restantes premios corresponden a vales aportados por unha vintena de negocios asociados que se sumaron á proposta. Nestes casos, os vales só poderán ser gastados nos establecementos indicados.

Colaboran na campaña: Gadis, cun vale de 100 euros e outro de 50; Restaurante Cho, aportando un vale de 40 euros; Bicos, Chocolat, Comercial Veiga, Dans, El Cantón Ropa Inetrior, Joyería Fina Carabel, Larpeiradas Babel, Lencería Alicia, Óptica Brigantium, Miraquélinda, Óptica Selgas, Xoma kids, Libraría Biblos e Occident, aportando cadanseu premio de 30 euros; Zentral Óptica, que aporta 5 vales de 30 euros e Ecolaundry, con 10 vales de 15 euros.

Os clientes recibirán coas súas compras rifas para participar no sorteo que se realizará ante notario o 8 de xaneiro de 2025. Unha vez que se coñezan os números premiados os posuidores dos boletos agraciados deberán comunicarse coas oficinas de ACEBE CCA no teléfono 981774574 en horario de luns a venres de 10.00 a 14.00 horas para xestionar a entrega do premio.

Poden consultar aquí as bases completas da promoción que está cofinanciada pola Xunta de Galicia, a Deputación da Coruña, o Concello de Betanzos e Gadis.