ACEBE CCA sortea un premio de 100 euros na Campaña de San Valentín

A Campaña de San Valentín de ACEBE CCA sorteará un premio de 100 euros en acebecheques entre as persoas que resposten un cuestionario ao que se pode acceder a través das redes sociais de ACEBE CCA (Instagram ou Facebook) ou mediante o código QR impreso nos carteis promocionais. Ao respostar o cuestionario, ademais de participar no sorteo, a persoa participante recibirá unha mensaxe con catro suxestións de agasallos para San Valentín que pode atopar nos negocios asociados.

Para poder participar no sorteo, o cuestionario deberá respostarse antes das 23.00 horas do 12 de febreiro e deberá indicarse o nome e apelidos, teléfono, correo electrónico de contacto e o nome do perfil de Facebook ou Instagram da persoa participante, se o ten.

Nun prazo de 24 horas desde o envío das respostas, ACEBE CCA remitiralle un correo electrónico confirmando a súa participación no sorteo e recomendándolle catro posibles agasallos para San Valentín axustados ás súas respostas e que pode mercar nos comercios asociados.

O sorteo realizarase o 13 de febreiro ás 12.00 horas mediante unha ferramenta dixital que seleccionará ao azar a unha persoa de entre todas as participantes. O resultado publicarase nas contas de Facebook e Instagram de ACEBE CCA.

A asociación contactará coa persoa premiada e, se non resposta antes das 12.00 horas do 18 de febreiro, realizarase un segundo sorteo que terá como prazo de resposta ata o 20 de febreiro. De non aparecer a persoa agraciada, realizaranse ata un máximo de dous sorteos alternativos con dous días naturais de prazo entre eles. As bases completas da campaña poden consultarse aquí. Podes acceder ao cuestionario premendo neste enlace.

Unha vez entregado o premio, a persoa gañadora terá como data límite para canxealo ata o 13 de marzo de 2026 e poderá gastar os acebecheques por valor de 100 euros en calquera dos máis de 200 establecementos asociados a ACEE CCA.

Esta campaña é un proxecto cofinanciado pola Xunta de Galicia e actividade subvencionada pola Deputación da Coruña.