ACEBE CCA realiza o sorteo ante notario dos premios da Campaña de Verán

ACEBE CCA celebrou o 10 de xullo o sorteo ante notario dos 32 premios valorados en 1.500 euros da campaña "Un verán de rifas en Betanzos".

O sorteo celebrouse na sede da asociación ante o notario Óscar López Doval. Asistiron tamén a presidenta de ACEBE CCA, María Luisa Pérez, a vicepresidenta, Claudia Marques, e a secretaria da asociación, Eva García.

As persoas premiadas terán ata as 14.00 horas do 28 de xullo para contactar coas oficinas da asociación no teléfono 981 774 574 e reclamar o seu premio. Para recibir o seu agasallo deberán entregar a rifa en boas condicións e lexible.

O horario de atención ao público das oficinas é de luns a venres de 10.00 a 14.00 horas. Consulta aquí os números premiados.

A campaña consistiu no reparto de rifas entre os clientes dos negocios asociados polas compras realizadas entre o 12 e o 30 de xuño. Podes consultar aquí as bases da promoción.

Os premios foron mercados  pola asociación en 32 negocios integrados na entidade e están valorados en 1.500 euros.

A campaña de Verán está organizada por ACEBE CCA e está cofinanciada pola Xunta de Galicia, a Deputación da Coruña, o Concello de Betanzos e Gadis.