ACEBE CCA sorteou os 1500 euros en premios da Campaña de Nadal

ACEBE CCA realizou o 8 de xaneiro o sorteo ante notario dos 1.500 euros en premios da Campaña de Nadal da asociación. O notario, Óscar M. López Doval, extraeu oito papeletas correspondentes aos oito premios que a campaña poñía en xogo. Consulta aquí os números premiados.

A asociación sorteou 1.500 euros que se dividen nun primeiro premio de 500 euros, dous segundos de 250 euros cada uno e cinco terceiros de 100 euros cada un.

As persoas que teñan algún dos boletos premiados deberán comunicarse coas oficinas de ACEBE CCA, situadas na Praza Mestre José Dapena, número 1 baixo (Edificio Escolas García Naveira) ou chamar por teléfono 981774574, en horario de mañá. A data límite para reclamar os premios será o venres 24 de xaneiro ás 14:00 horas.

Os premios entregaranse en forma de tarxeta regalo y poderán canxearse nos establecementos asociados a ACEBE CCA.

A campaña completouse cun parque infantil de xogos na Praza dos Irmáns García Naveira. Esta acción promocional de Nadal de ACEBE CCA contou coa colaboración da Xunta de Galicia, da Deputación da Coruña, do Concello de Betanzos e de Gadis.