ACEBE CCA e Banco Sabadell asinan un convenio de colaboración con vantaxes para os negocios asociados

A Asociación de Comerciantes e Empresarios de Betanzos, Centro Comercial Aberto (ACEBE CCA) e Sabadell Gallego asinaron a renovación do convenio de colaboración mediante o que os 168 socios que actualmente integran a asociación poderán obter condicións vantaxosas en diferentes produtos da entidade bancaria. En virtude deste acordo, Banco Sabadell pon a disposición dos comerciantes e empresarios asociados a ACEBE CCA un conxunto de produtos e servizos financeiros, persoalizados e en condicións preferentes, adaptados á súa economía profesional e persoal, sendo extensibles estas vantaxes tamén aos seus familiares e empregados.

Pola súa parte, a Asociación de Comerciantes e Empresarios de Betanzos Centro Comercial Aberto- ACEBE CCA, pode acceder a unha ampla variedade de servizos financeiros moi competitivos e a un asesoramento financeiro persoalizado.

Trátase dunha oferta global, con produtos de aforro-investimento, de financiación e de servizos. Destacan, entre outros: a Cuenta Sabadell Negocios Plus PRO, unha conta pensada para que autónomos, comercios, despachos profesionais e pequenas empresas se fagan grandes e a Cuenta Sabadell Negocios Pro, deseñada á medida dos autónomos, comercios e negocios, con toda a operativa necesaria para o día a día da súa actividade.  E para a súa economía persoal e os seus empregados a Cuenta Sabadell-PRO, para a domiciliación da nómina ou ingresos personais.

O acordo foi asinado pola presidenta da Asociación, María Luisa Pérez Iglesias, e por David Martis Sánchez, director rexional Galicia Norte de Banco Sabadell.