Arroz con leite

Receita cedida por Restaurante San Andrés

Ingredientes:

-2 litros de leite enteira

-500 g de azucre

-200 g de arroz bomba

-2 paus de canela

-Pel de limón e laranxa o máis finas posible, evitando a parte branca

-Canela en po

Elaboración:

-Ponse a quentar a lume medio o leite coa canela en rama e a pel de limón e laranxa para aromatizar.

-Pasamos por auga o arroz e escurrimos.

-Cando comece a ferver o leite retírase do lume, quitamos a canela en rama e as peles de limón e laranxa.

-Volvemos a levar ao lume mínimo o leite e incorporamos o arroz. Imos removendo pouco a pouco a lume mínimo ata que o arroz inche. Neste momento incorporamos o azucre. Seguimos cocendo 15 minutos máis. Irá espesando pouquiño a pouco.

-Retiramos do lume, deixando repousar uns 10 minutos. Despois pasamos a un recipiente de cristal grande ou a individuais e decoramos ao gusto con canela en po.