Betanzos activa as medidas do protocolo de contención do coroavirus

Foto CDC on Unsplash

Ante a situación provocada pola pandemia do coroavirus Covid-19, o Concello de Betanzos anunciou a adopción dunha serie de medidas orientadas a contribuir á contención da propagación do virus. Así, suspendéronse todas as actividades municipais e as previstas en instalacións municipais.

Estas medidas afectarán tamén ás feiras do 1 e 16 e aos mercados semanais dos martes, xoves e sábados que quedan tamén suspendidos temporalmente.

Estará pechado ao público o centro social de maiores da Praza García Irmáns, a zona de exposicións do Edificio Liceo, o Salón Azul e a Aula de Cultura Xulio Cuns. Tamén estarán pechadas a Biblioteca Municipal, o Museo de As Mariñas, a Oficina Municipal de Información Xuvenil e a Aula CeMIT, onde se cancelaron todas as actividades e cursos previstos.

As medidas tamén inclúen as instalacións deportivas e tanto o pavillón polideportivo como a piscina municipal ou os campos de fútbol de O Carregal estarán pechadas.

A actividade da Escola Municipal de Folclore, da Escola Infantil Santiago de la Fuente e do Conservatorio Municipal de Música tamén se paralizará temporalmente.

Por outro lado, no que respecta á atención ao cidadá, o Concello recomenda empregar os medios telemáticos para realizar os trámites precisos e só acudir ás oficinas municipais en caso de tramitacións urxentes que non poidan adiarse.

Todas estas medidas forman parte dun plan de prevención e de contención da propagación do Covid-19 que tamén foron adoptadas por outros municipios da comarca e polas asociacións culturais, sociais e deportivas de Betanzos.


Novas relacionadas


BETANZOS ACTIVA AS MEDIDAS DO PROTOCOLO DE CONTENCIÓN DO COROAVIRUS

13/03/2020

Ante a situación provocada pola pandemia do coroavirus Covid-19, o Concello de Betanzos anunciou a adopción dunha serie de medidas orientadas a cont...


leer máis


UN CONCERTO HISTÓRICO DE LEO NUCCI PON HOXE O PECHE AO “ANO DE BETANZOS”

13/02/2020

“Grazas infinitas. É unha honra e un privilexio. Non poderiamos imaxinar un colofón mellor a este ano de conmemoración do 800 aniversario. Para B...


leer máis


BETANZOS RENDE HOMENAXE A ROSALÍA DE CASTRO

17/02/2020

Betanzos celebra o Día de Rosalía con varias actividades entre os días 17 e 29 de febreiro para homenaxear á poetisa. Haberá exposicións, activi...


leer máis


A XUNTA DECLARA O PASATEMPO BEN DE INTERESE CULTURAL

07/02/2020

O Consello da Xunta declarou onte o Parque do Pasatempo como Ben de Interese Cultural (BIC) na categoría de xardín histórico, poñendo fin a un exp...


leer máis