A “Camerata Brigantina” ofrece o seu primeiro concerto

A “Camerata Brigantina” estreouse con éxito no seu primeiro concerto ante un numeroso público que encheu a Aula de Cultura o pasado 14 de marzo.
Esta nova formación musical está dirixida por Florian Vlashi, membro da Orquestra Sinfónica de Galicia e profesor do Conservatorio Municipal de Betanzos, e integrada por vinte músicos que proceden na súa maioría do Conservatorio.
Florian Vlashi destacou a calidade dos músicos neste primeiro concerto e sinalou que foi unha sorpresa para todos o bo resultado da actuación: “sonou tan ben que nos sorprendimos nós mesmos”.
A Camerata formarase con sección de corda aínda que tamén se incorporarán instrumentos de vento, de metal e de percusión, segundo o requira o repertorio.
Según explicou o director da nova agrupación, ademais dos habituais escearios de concertos, a Camerata ten a intención de ofrecer actuacións noutros escearios como escolas, centros da terceira idade ou hospitais para tratar de achegar a música clásica a lugares e a persoas que habitualmente non poden asistir a un concerto.
Teñen previsto actuar proximamente na Residencia de Anciáns aínda que a data está sen confirmar.