Casa Miranda gaña por quinta vez o premio do xurado da Semana da Tortilla de Betanzos

A alcaldesa, María Barral, xunto ao presidente do xurado, Luis Veira, e aos gañadores do premio / FOTO ARUME

Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1

Casa Miranda logrou por quinta vez o primeiro premio da Semana da Tortilla de Betanzos. O xurado, presidido polo recoñecido cociñeiro Luis Veira, elixiu a Casa Miranda como a gañadora do certame no que este ano participaron vinte e dous locais de hostalería. Foron finalistas, xunto a Miranda, Sinuessa (gañador do certame en 2017 e 2018), O Progreso (gañador en 2016), La Escondida e A Tixola.

Casa Miranda logra así por quinta vez o primeiro premio do xurado neste concurso que o Concello de Betanzos organiza dentro da celebración da Semana da Tortilla. Tras tres anos sen participar no evento, Pepa Miranda xa se fixera co máximo galardón nos anos 2011, 2013, 2014 e 2015.

A Semana da Tortilla de Betanzos celebrouse entre os días 4 e 13 de outubro e este ano contou coa participación de vinte e dous establecementos hostaleiros dos cales un xurado escolleu aos cinco finalistas. A final celebrouse na mañá do domingo 13 de outubro nunha cata a cegas e pública no Salón Azul do Edificio Arquivo Liceo.

Este ano contou coa presenza do prestixioso cociñeiro Luis Veira que presidiu o xurado da final. A alcaldesa, María Barral, entregoulle un recordo conmemorativo do 800 aniversario do traslado da cidade.

Premio popular

Proximamente darase a coñecer o premio de votación popular da Semana da Tortilla. Nesta ocasión son os propios clientes os que mediante os seus votos elixirán a que consideren a mellor tortilla.

Ademais, os clientes participarán nun sorteo no que poderán gañar catro tarxetas regalo de 100 euros cada unha para gastar nas empresas asociadas a ACEBE CCA e unha tarxeta regalo de 100 euros para gastar nos establecementos asociados a CHES Casco.

O sorteo realizarase o vindeiro 17 de outubro ás 13.30 horas no Salón Azul do Edificio Arquivo Liceo.

Por outro lado, tamén se organizou outro concurso en colaboración con Coca-Cola, no que os clientes podían participar a través das redes sociais do Concello, subindo fotografías do pincho de tortilla xunto a unha botella do refresco.


Novas relacionadas


ABERTO O PRAZO DE SOLICITUDE DAS AXUDAS MUNICIPAIS PARA OS AUTÓNOMOS E MICROPEMES DE BETANZOS AFECTADOS POLA COVID-19

06/07/2020

Os autónomos e micropemes de Betanzos afectados pola crise da Covid-19 poderán solicitar as axudas municipais ata o vindeiro 3 de agosto. O Concello...


leer máis


O CONCELLO ABRE A INSCRICIÓN PARA OS CAMPAMENTOS DE VERÁN E PARA O COMEDOR ESCOLAR

06/06/2020

O Concello de Betanzos abriu o día 3 de xuño o prazo de inscrición para solicitar o servizo de comedor escolar para o próximo curso e para os camp...


leer máis


O CONCELLO OUTORGARÁ AXUDAS DIRECTAS DE ATA 700 EUROS AOS AUTÓNOMOS E PEMES AFECTADOS POLA COVID-19

25/05/2020

Ata 700 euros poderán recibir os autónomos e pemes que tiveron que cesar a súa actividade ou que viron drasticamente reducidos os seus ingresos dur...


leer máis


O CONCELLO INICIA UN PLAN DE MOBILIDADE PEONIL QUE RECOMENDA O USO DAS BEIRARRÚAS NUN SÓ SENTIDO DE CIRCULACIÓN

13/05/2020

Camiñar polas beirarrúas nun só sentido de circulación para reducir o contacto entre persoas é a recomendación que lanza o Concello nestes prime...


leer máis