PECHA CON ÉXITO A XVI EDICIÓN DE MERCABETANZOS ORGANIZADA POR ACEBE CCA

Numeroso público se achegou á carpa de MercaBetanzos

Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1 Gallery Thumb 1

A XVI edición de MercaBetanzos que se celebrou na Praza Irmáns García os días 7 e 8 de setembro pechou cun novo éxito de público e de vendas tal e como destacaron os comerciantes participantes. A mañá do sábado foi o momento máis concurrido e mesmo se formaron ringleiras de xente agardando antes de que o recinto abrise as súas portas. Ao longo das dúas xornadas rexistrouse un gran número de visitas tanto de betanceiros como de veciños e veciñas doutras localidades e tamén turistas.

Os comerciantes que participaron en MercaBetanzos mostraron a súa satisfacción pola alta afluencia de público que lles serviu non só para vender os produtos de stock da temporada, senón tamén para promocionar os seus respectivos negocios.

O evento, organizado por ACEBE CCA en colaboración co Concello de Betanzos e con Parking Betanzos, reuniu nunha carpa a unha quincena de establecementos comerciais asociados a ACEBE CCA.

O mercado das oportunidades do comercio local contou con postos de moda, complementos, beleza, óptica e parafarmacia, alimentación, saúde e este ano, como novidade, viaxes. Os clientes puideron adquirir os produtos de stock dos establecementos participantes a prezos moi reducidos.

Nesta edición de MercaBetanzos participaron: Bicoca Moda Home, Carrousel, Confecciones Chela, Dans, Freesia, Isi, La ventana al Sur, Lencería Alicia, New Place, Outfit, Óptica e Parafarmacia Selgas, Tikismikis, Traviesa, Viajes Betantur e Xomakids.

Na organización de MercaBetanzos colaborou o Concello de Betanzos, a Deputación da Coruña e a Xunta de Galicia. Ademais, a empresa concesionaria do aparcadoiro soterrado, Parking Betanzos, colaborou con ACEBE CCA facilitando aos establecementos participantes tickets de parking de media hora para entregar aos seus clientes e facilitarlles así o estacionamento durante a fin de semana que durou o evento.


Novas relacionadas


ACEBE CCA SORTEA 100 EUROS NA SÚA CAMPAÑA DE SAN VALENTÍN

07/02/2024

ACEBE CCA sorteará 100 euros en acebecheques a través da súa campaña de San Valentín. Para participar será preciso respostar a un cuestionario a...


leer máis


ACEBE CCA COLABORA NA VENDA DOS CALENDARIOS SOLIDARIOS NOEL BALSA GONZÁLEZ

11/12/2023

Xa están á venda os calendarios solidarios Noel Balsa González que edita o IES Francisco Aguiar de Betanzos co patrocinio da Fundación Mª José J...


leer máis


ACEBE CCA INSTALARÁ UN PARQUE INFANTIL DE XOGOS DENTRO DA SÚA CAMPAÑA DE NADAL

04/12/2023

A Campaña de Nadal de ACEBE CCA incluirá este ano a instalación dun parque infantil de xogos ubicado nunha carpa de 200 metros cadrados que se colo...


leer máis


ACEBE CCA ORGANIZA UNHA NOVA EDICIÓN DO BETANZOS SHOWROOM CELEBRA O 25 E 26 DE NOVEMBRO NO EDIFICIO LICEO

17/11/2023

Os días 25 e 26 de novembro ACEBE CCA organiza no Edificio Liceo unha nova edición do Betanzos Showroom Celebra no que participan nove  expositores...


leer máis