A coordinadora da Semana Santa constitúese como Cofradía

O grupo de persoas que ata agora traballaban na coordinación dos actos da Semana Santa acaba de constituirse como Cofradía.
Esto permitiralles acceder a subvencións para ampliar os recursos de que dispoñen (as aportacións de socios e de colaboradores e patrocinadores) para conseguir en vindeiros anos continuar a realzar os actos da Semana Santa brigantina.
Este ano serán uns 160 costaleiros os que conduzan os pasos nas procesións e ven de incorporarse tamén un grupo de xóvenes a esta tarefa. A Cofradía lembra que están abertos á colaboración de todos aqueles que desexen participar de forma activa nas procesións. As persoas que queiran participar como costaleiros poden chamar ó teléfono 609522207.
Este ano, ademais da Banda Municipal de música acompañarán as procesións a Banda de San Pantaleón e un coro formado por oito persoas que cantarán á Virxe nalgún dos actos programados. O desexo da Cofradía é que esta agrupación que se creou este ano poida incrementarse o próximo.
Como actos previos á Semana Santa o venres 14 de marzo na Igrexa de San Francisco oficiarase unha misa solemne na honra da Virxe dos Remedios ás 19:30 horas. Despois, procederase á lectura do pregón ó que seguirá un concerto de música sacra a cargo da Coral Polifónica de Betanzos. O martes 18 ás 19:30 horas en Santo Domingo terá lugar unha celebración comunitaria da Penitencia.
Domingo de Ramos. 16 de marzo
Ás once da mañá no adro da Igrexa de Santo Domingo terá lugar a Bendición de Ramos e a procesión ata San Francisco. Ás doce da mañá nos Remedios oficiarase unha misa solemne. Suprímense as misas de once de Santo Domingo e a de doce de Santa María do Azougue.
Xoves Santo. 20 de marzo
Celebrarase a Misa da Cea do Señor ás seis da tarde na Igrexa das Madres Agustinas, ás sete da tarde na Igrexa de Nosa Señora dos Remedios e ás sete e media na Igrexa de Santiago.
A Hora Santa será ás once na Igrexa de Santiago. As procesións sairán ás 21:30 horas da igrexa de Santa María coa imaxe de Jesús Nazareno, a imaxe da flaxelación e a do Cristo clavado na cruz.
Da Igrexa de San Francisco sairá a imaxe do Ecce Homo e da Igrexa de Santiago a imaxe de Nosa Señora das Dores. Na praza da Constitución producirase o Santo Encontro.
Venres Santo. 21 de marzo
Ás 10:30 horas na igrexa de Santa María celebrarase o Vía Crucis. Ás 12:00 en Santo Domingo, representación de Semana Santa a cargo dos nenos do catecismo parroquial. Haberá Santos Oficios ás 17:00 horas na Igrexa das Madres Agustinas; ás 19:00 horas na Igrexa de Nosa Señora dos Remedios e ás 18:30 horas na Igrexa de Santiago.
As procesións sairán ás 20:00 horas o Santo Enterro, sae de Santo Domingo coas imaxes de Xesús Crucificado, Santo Sepulcro, a Vixe da Soidade e Nosa Señora da Angustia. Ás 22:30 horas “Os caladiños”, sae de San Francisco coas imaxes da Virxe das Dores. En todas participa a Banda Municipal de Música

Sábado Santo. 22 de marzo
Haberá celebracións ás 21:00 horas na Igrexa das Madres Agustinas, ás 22:00 horas en Santiago unha celebración conxunta das parroquias de San Martín de Tiobre, Santa María do Azougue e Santiago. Haberá celebracións ás 9:00 en San Martín de Bravío; ás 10:00 na Angustia; ás 11:00 en Santo Domingo; ás 12:00 nos Remedios e en Santa María; ás 13:00 en San Martín de Tiobre; ás 18:30 en San Francisco e ás 19:30 en Santo Domingo
 

Novas relacionadas


A RESTAURACIÓN DO ESTANQUE DO RETIRO CUSTARÁ AO REDOR DE 525.000 EUROS E SAIRÁ A LICITACIÓN NUNS MESES

17/01/2020

O Concello conta de sacar a licitación o proxecto de conservación e restauración do Estanque do Retiro “no prazo máis breve posible, aínda que ...


leer máis


ACEBE CCA CELEBRA HOXE A XORNADA SOLIDARIA NO PARQUE INFANTIL DE XOGOS

23/12/2019

Hoxe 23 de decembro o parque infantil de xogos que ACEBE CCA ten instalado na Praza dos Irmáns García Naveira, celebrará a súa xornada solidaria. ...


leer máis


OS CALENDARIOS SOLIDARIOS DO IES FRANCISCO AGUIAR PARA NOEL XA PODEN MERCARSE NUNHA VINTENA DE COMERCIOS ASOCIADOS A ACEBE CCA

19/12/2019

Unha vintena de comercios e empresas asociados a ACEBE CCA puxeron xa á venda os calendarios solidarios en favor da causa de Noel, o neno betanceiro ...


leer máis


UNHA VINTENA DE COMERCIOS ASOCIADOS A ACEBE CCA COMEZAN HOXE O “BLACK FRIDAY”

22/11/2019

Un total de 23 comercios asociados a ACEBE CCA acordaron sumarse á iniciativa promocional “Black Friday” e ofrecerán descontos aos seus clientes...


leer máis