rocigarcia OUTROS SECTORES | VARIOS | BETANZOS
rocigarcia é un estudo-obradoiro situado en Galicia, que ten como principal obxectivo deseñar e desenvolver velas e produtos derivados da cera de alta calidade. Este obxectivo baséase en tres piares principais:
- INVESTIGACIÓN: Investigación sobre as posibilidades plásticas e formais dos distintos tipos de ceras coas que traballamos e o seu diálogo con outros materiais.
- DESEÑO: Deseño sinxelo e funcional. A aposta polas cousas ben feitas e a atención ao detalle fan que as nosas pezas sexan obxectos únicos, elegantes e de gran calidade.
- ARTESANÍA: Os oficios artesáns como sistema de produción. Aplicamos todos os nosos coñecementos de diferentes oficios á produción de pezas de cerería contemporánea.
A calidade dos nosos produtos baséase na selección das mellores materias primas e procesos de fabricación totalmente artesanais, que nos permiten dar forma a deseños pensados para gozar con todos os sentidos. Usamos cera de soia ecolóxica e cera de abella de produtores locais.
Cremos e apostamos por un mundo sostible, polo que só utilizamos métodos de fabricación respectuosos co medio ambiente e materiais biodegradables para facer os nosos deseños.
rocigarcía é unha aposta firme pola calidade, a sustentabilidade e a investigación. Convertemos a creación de velas, un método de iluminación ancestral, nunha constante creación de formas, perfumes, cores e usos. Pezas con alma que espertan os cinco sentidos.
En rocigarcía combínase a cerería máis tradicional coas técnicas máis innovadoras. O obradoiro está situado en Betanzos, unha zona de Galicia declarada Reserva da Biosfera. A natureza e a paisaxe circundante inspiran todas as creacións.
