A Xunta abre hoxe o prazo para solicitar as axudas a autónomos, que serán de entre 1.200 e 2.000 euros

foto drobotdean / freepik

As persoas traballadoras por conta propia poderán solicitar dende hoxe e ata o próximo 18 de decembro as axudas da Xunta para facer fronte á crise sanitaria da Covid-19 e contribuir ao mantemento da actividade económica e do emprego no marco da pandemia.

As axudas serán de 1.200 euros para os autónomos de calquera actividade económica, con e sen personal contratado ao seu cargo. Aqueles autónomos que pertenzan a sectores ou actividades económicas especialmente paralizadas, que se especifican no DOG, poderán obter ata 2.000 euros de subvención. Entre elas inclúense as relacionadas co ocio nocturno, aquelas que se desenvolven en atraccións de feiras, taxistas, transporte marítimo de pasaxeiros, provisión de comidas para eventos, actividades de exhibición cinematográfica, axencias de viaxes, operadores turísticos e outras empresas relacionadas co sector, artes escénicas e as súas actividades auxiliares, organización de convencións e feiras de mostras, entre outras.

Os requisitos para acceder ás axudas son estar dados de alta no RETA ou no Réxime do Mar, incluidos os societarios, e que tiveran recoñecido o cese común ou extraordinario de actividade regulado no Real Decreto Ley 30/2020 de 29 de setembro. A tramitación das axudas pode realizarse neste enlace e será mediante unha declaración responsable por parte do solicitante.

Os beneficiarios desta liña de axudas terán que comprometerse a manter a actividade económica de alta durante como mínimo dous meses dende a data de publicación da orde de axudas.

O Plan de rescate da Xunta, que conta con 80 millóns de euros de orzamento, inclúe outros dous programas que se publicarán nos próximos días. Un destinado a microempresas e autónomos con persoal a cargo, e outro orientado aos negocios de hostalería ubicados en concellos de maior incidencia epidemiolóxica que se vexan obrigados a pechar pola normativa sanitaria. As tres liñas de axudas serán compatibles entre si.


Novas relacionadas


A XUNTA PON EN MARCHA A CAMPAÑA BONO ACTIVA COMERCIO A PARTIR DO 26 DE ABRIL

24/04/2024

A Xunta de Galicia, en colaboración coa Federación Galega de Comercio e coas Asociacións Provinciais, acaba de poñer en marcha a campaña Bono Act...


leer máis


A EDICIÓN DE VERÁN DA CAMPAÑA DÍAS AZUIS DO COMERCIO GALEGO SORTEA 12000 EUROS EN PREMIOS

01/06/2023

Comeza a Campaña Días Azuis do Comercio Galego que se desenvolverá entre o 5 e o 25 de xuño e que sorteará 12.000 euros en tarxetas regalo entre ...


leer máis


A XUNTA ABRE A INSCRICIÓN DOS COMERCIOS NA CAMPAÑA BONOS ACTIVA COMERCIO

14/04/2021

A Xunta acaba de abrir a inscrición dos establecementos comerciais á campaña Bonos Activa Comercio, unha iniciativa mediante a que se ofrecen aos c...


leer máis


A XUNTA ACTIVA OS PROGRAMAS DE AXUDAS A MICROEMPRESAS E HOSTALERÍA

30/11/2020

A Xunta de Galicia acaba de abrir o prazo de solicitude de dous novos programas de axudas destinadas a microempresas e a hostalería que completan o P...


leer máis