Croquetas vexetarianas

Receita cedida por Restaurante San Andrés

Ingredientes:

Verduriñas variadas de "olor e sabor" (acelga baby de cores, espinaca, lombarda, cabaza cacahuete, cenoria rama, porros, remolacha, col riza, repolo)

Para a bechamel:

1 litro de leite enteira Cagiao para cada sabor

1 cebola grande

100 g de manteiga

Noz moscada

Perexil picado e sal

Elaboración:

1-As verduriñas escáldanse por separado, escúrrense e córtaselles a cocción con auga e xeo uns minutos. Escúrrense e resérvanse.

2-Preparamos a bechamel con 1 litro de leite para cada sabor. Leite enteira Cagiao. Unha cebola grande pochada nunha cullerada de aceite de oliva virxe extra. 100g de manteiga, 7, 8 ó 9 culleradas de fariña dependendo de cada verdura. Noz moscada. Perexil picado. Sal ao gusto.

3-Disólvese a fariña coa manteiga ata que adquire un ton dourado, agrégase o leite, despois a fariña pouco a pouco e móvese para que coza sen gromos, cando comeza a espesar lixeiramente agrégase a verdura e a noz moscada cun toque de perexil. Trabállase a bechamel sobre uns 30 minutos. Ao finalizar este tempo vértese sobre unha fonte de cristal e déixase enfriar ata o día seguinte.

4-Envólvense as croquetas en fariña tamizada, ovo e pan relado (pan de Betanzos) e frítense