Rematan as obras do patio cuberto do aulario do Vales Villamarín

Imaxe do novo patio cuberto do aulario de infantil do Vales Villamarín / PRENSA CONCELLO

Os escolares do aulario de infantil do Vales Villamarín xa poden acceder ao edificio utilizando o novo patio cuberto en lugar de entrar pola zona verde que se inundou nos últimos días coa choiva. As obras do novo patio cuberto aceleráronse logo de que o Concello esixira responsabilidades á empresa polos retrasos no cumprimento dos prazos.

Unha vez habilitado o acceso pola zona cuberta, o Concello esixiu á empresa que acondicione a zona verde e que remate a colocación dos xogos infantís. Polo momento, este espazo permanecerá valado e non se permitirá o acceso ao alumnado.

O concelleiro de Educación, Andrés Hermida, subliñou que “aínda co avance das obras nas últimas horas, o goberno local pedirá responsabilidades á empresa polo retraso acumulado e polos problemas causados”.

O novo patio cuberto tiña que estar rematado a principios deste curso escolar, tal e como establecían os pregos de licitación do proxecto. Estableceuse un novo prazo de remate das obras previsto para o 26 de setembro que tampouco se cumpriu. Ante esta situación, o Concello e a dirección do colexio delimitaron as zonas de paso para garantir a seguridade dos escolares.  

A obra está a ser executada con cargo a fondos municipais “ante a negativa da Xunta a facela, cando é unha actuación da súa competencia”, explicou o concelleiro de Educación, Andrés Hermida, quen subliñou que “o Concello non pode permitir máis retrasos”.

O proxecto ten un orzamento de case 161.000 euros e inclúe a ampliación da zona cuberta ata os 370 metros cadrados, máis do dobre da inicialmente construída, para que funcione como porche e como patio cuberto. Tamén se recolle no proxecto a creación dunha zona verde e dun espazo para xogos infantís.


Novas relacionadas


SANIDADE INICIA MAÑÁ UN CRIBADO EN BETANZOS A 8.000 PERSOAS DE ENTRE 18 E 60 ANOS

27/01/2021

Uns 8.000 veciños e veciñas de Betanzos de entre 18 e 60 anos serán convocados a partir de mañá xoves para someterse a unha proba PCR para detect...


leer máis


O CONCELLO PON EN MARCHA UNHA CAMPAÑA PARA INCENTIVAR O CONSUMO LOCAL CON 6.000 EUROS EN TARXETAS REGALO

23/11/2020

O Concello de Betanzos pon en marcha en decembro a campaña “Merca, tan cerca”, unha acción de apoio ao tecido comercial, empresarial e hostaleir...


leer máis


ABERTO O PRAZO DE SOLICITUDE DAS AXUDAS MUNICIPAIS PARA OS AUTÓNOMOS E MICROPEMES DE BETANZOS AFECTADOS POLA COVID-19

06/07/2020

Os autónomos e micropemes de Betanzos afectados pola crise da Covid-19 poderán solicitar as axudas municipais ata o vindeiro 3 de agosto. O Concello...


leer máis


O CONCELLO ABRE A INSCRICIÓN PARA OS CAMPAMENTOS DE VERÁN E PARA O COMEDOR ESCOLAR

06/06/2020

O Concello de Betanzos abriu o día 3 de xuño o prazo de inscrición para solicitar o servizo de comedor escolar para o próximo curso e para os camp...


leer máis