O Santo Domingo terá por primeira vez sección masculina e feminina en todas as categorías

O equipo infantil masculino xogará na máxima categoría autonómica

O Clube Baloncesto Santo Domingo Betanzos terá esta tempada, por primeira vez na súa historia, sección masculina e feminina en todas as categorías, desde infantil ata senior. Froito do crecemento constante do clube, nalgunhas categorías mesmo terán máis dun equipo, como é o caso do infantil masculino.

O primeiro equipo, que xa iniciou a campaña coa disputa da Copa Galicia EBA, estará dirixido por segunda tempada consecutiva por Iván Villaverde e Xoel Folgueiras.

O principal desafío será sobreporse á baixa de Abdou Thiam, que segue a súa carreira en LEB Oro con Basket Coruña, e de Thomas Cooper. Para iso o clube conta coa continuidade do resto da plantilla da tempada anterior. Ademais, incorpórase ao grupo Jorge Abelleira, base procedente do Narón, e Luke Gibson, que regresa ao clube tras varios anos fóra por estudios. Por último, François Affia, pivote de orixe camerunés cubrirá o oco deixado por Abdou.

#videpaonoso

A finais de agosto arrincaba a campaña de aboados desta tempada nas redes sociais co lema #videpaonoso. O clube agarda poder incrementar o número de carnés este ano para o que fai un chamamento á masa social do clube.

Os aboados poderán renovar os seus carnés a través de transferencia ou ingreso bancario e os novos membros da familia "santiña", deberán cubrir un impreso que poden descargar a través da web: www.santodomingobetanzos.com e facelo chegar ao clube seguindo as indicacións da páxina.

Categorías base

As categorías inferiores empezaron tamén as súas competicións disputando as fases previas das ligas de Primeira División galegas.

O infantil masculino xa certificou o seu ascenso e xogará este ano na máxima categoría autonómica que dá dereito a desputar o campionato de España ao remate da tempada.


Noticia extraída do Nº 323 de Betanzos e a súa comarca

Novas relacionadas


A ALCALDESA ANUNCIA EN FITUR A INTENCIÓN DE CREAR UN SELO DE GARANTÍA DA TORTILLA DE BETANZOS

22/01/2020

Betanzos busca avanzar na promoción da tortilla de Betanzos coa creación dun selo de garantía para os hostaleiros do municipio. Así o anunciou a a...


leer máis


A RESTAURACIÓN DO ESTANQUE DO RETIRO CUSTARÁ AO REDOR DE 525.000 EUROS E SAIRÁ A LICITACIÓN NUNS MESES

17/01/2020

O Concello conta de sacar a licitación o proxecto de conservación e restauración do Estanque do Retiro “no prazo máis breve posible, aínda que ...


leer máis


COMEZA O CICLO ADICADO A OLIVER LAXE COA PROXECCIÓN DE “MIMOSAS” NO ALFONSETTI

23/01/2020

O director galego Oliver Laxe será o protagonista dun ciclo que organiza o Cine Clube Lar de Unta en colaboración co Concello de Betanzos durante a ...


leer máis


ACEBE CCA CELEBRA HOXE A XORNADA SOLIDARIA NO PARQUE INFANTIL DE XOGOS

23/12/2019

Hoxe 23 de decembro o parque infantil de xogos que ACEBE CCA ten instalado na Praza dos Irmáns García Naveira, celebrará a súa xornada solidaria. ...


leer máis