Explorando novos camiños que nos leven a ti

Luis Mariano García Fraga / Director de "Betanzos e a súa comarca"

Debido á situación especial que estamos vivindo, desde ACEBE vímonos na obriga de tomar a decisión de sacar o noso periódico en formato dixital. A partir de hoxe poderedes lelo na nosa páxina web www.comerciodebetanzos.com e nas diferentes redes sociais. Desde aquí a nosa gratitude a todos os socios e anunciantes por manter, nos momentos máis difíciles polos que o noso comercio está atravesando, a súa confianza e apoio.

Agora o máis importante é cumprir, axudar e agradecer a todas aquelas persoas que están facendo posible co seu esfuerzo heroico que pouco a pouco vaiamos superando esta situación tan dramática. Todos xuntos, sen fisuras e mirando cara adiante saliremos se cabe aínda máis fortes.

Desde ACEBE tede a completa seguridade que pelexaremos con todas as nosas forzas para que o noso comercio volva a rexurdir con máis vitalidade e máis unión.

Grazas e ánimo.

#XUNTOSSOMOSMAISFORTES

#QUEDANACASA