Falece o xesuíta betanceiro Santiago de la Fuente

Santiago de la Fuente nunha imaxe de arquivo

O xesuíta betanceiro Santiago de la Fuente faleceu o pasado 10 de decembro en República Dominicana, onde levaba residindo dende 1988. Naceu en Betanzos en 1938 cidade na que foi ordeado sacerdote 30 anos despois e onde fundou o Seminario de Estudios Mariñás Untia.

Trala súa primeira estadía en Santo Domingo, onde exerceu como docente e despois de asentarse en Betanzos decidiu regresar á República Dominica onde se estableceu definitivamente en 1988.

Foi o autor da primeira cartografía da República Dominicana, primeiro cunha versión para escolares e despois cunha ampliada para universitarios. Foi investigador, teólogo e docente universitario. Publicou diversos traballos de investigación, varios deles adicados a Betanzos e artigos en varios medios de comunicación.

En setembro de 2010 un grupo de ex-alumnos homenaxeouno coa publicación, costeada por eles mesmos, do libro “Se buscan realizadores para una Dominicana Mejor”, unha compilación de artigos nos que de la Fuente reflectía os seus “soños” para a República Dominicana.

Os seus ex-alumnos destacaron del que os ensinou a pensar con profundidade e a albergar a posibilidade de construir con esforzo, compromiso e adicación unha realidade moi distinta á que se vive na República Dominica e definiron os seus textos como “todo un código moral, un manual para gobernar”.

Santiago de la Fuente faleceu na República Dominicana aos 74 anos de idade.


Novas relacionadas


A RESTAURACIÓN DO ESTANQUE DO RETIRO CUSTARÁ AO REDOR DE 525.000 EUROS E SAIRÁ A LICITACIÓN NUNS MESES

17/01/2020

O Concello conta de sacar a licitación o proxecto de conservación e restauración do Estanque do Retiro “no prazo máis breve posible, aínda que ...


leer máis


ACEBE CCA CELEBRA HOXE A XORNADA SOLIDARIA NO PARQUE INFANTIL DE XOGOS

23/12/2019

Hoxe 23 de decembro o parque infantil de xogos que ACEBE CCA ten instalado na Praza dos Irmáns García Naveira, celebrará a súa xornada solidaria. ...


leer máis


OS CALENDARIOS SOLIDARIOS DO IES FRANCISCO AGUIAR PARA NOEL XA PODEN MERCARSE NUNHA VINTENA DE COMERCIOS ASOCIADOS A ACEBE CCA

19/12/2019

Unha vintena de comercios e empresas asociados a ACEBE CCA puxeron xa á venda os calendarios solidarios en favor da causa de Noel, o neno betanceiro ...


leer máis


UNHA VINTENA DE COMERCIOS ASOCIADOS A ACEBE CCA COMEZAN HOXE O “BLACK FRIDAY”

22/11/2019

Un total de 23 comercios asociados a ACEBE CCA acordaron sumarse á iniciativa promocional “Black Friday” e ofrecerán descontos aos seus clientes...


leer máis