Atopan en Santa María un relevo de estilo gótico sen catalogar

A alcaldesa, María Barral, xunto ao párroco Santiago Pérez e á restauradora Milagros Martínez / FOTO ARUME

A restauración do retablo de San Pedro, na igrexa de Santa María do Azougue, deixou ao descuberto unha peza da que non se tiña coñecemento e que probablemente estea datada no século XV, según explicaron os restauradores. Trátase dun arcosolio oxival de estilo gótico no que se reproduce unha escea da anunciación, moi similar a outra existente no templo de San Francisco. Ademais, conserva policromía, algo que lle aporta aínda máis valor, subliñou Milagros Martínez da empresa Techne SC, responsables da restauración.

O relevo apareceu cando se desmontaron dúas pezas laterais do retablo para iniciar o estudio de restauración. Trala sorpresa inicial, os técnicos elaboraron un novo proxecto no que se contempla a posible reubicación do retablo, unha vez restaurado, para que o arcosolio poida quedar visible. O párroco da Unidad Pastoral de Betanzos, Santiago Pérez, subliñou que a proposta de recolocación do retablo non é doada, mais o proxecto conta co visto bo do Arcebispado.

O procedemento consistiría en desmontar o retablo para ir restaurando as pezas e posteriormente trasladalo a unha nova ubicación dentro do templo: “inicialmente non estaba aquí colocado senón que xa fora reubicado a principios do século XX”, explicaron os técnicos.

O custe estimado do proxecto rolda os 90.000 euros. Unha vez autorizado, os técnicos consideran que poderían tardar entre nove meses e un ano en rematar a reparación do retablo, reubicalo e restaurar a policromía do arcosolio.

A peza achada podería corresponder a un enterramento do que non se teñen datos nin ningunha referencia escrita previa. No templo existen outros arcosolios similares pero con menos ornamentación.

O párroco da Unidad Pastoral de Betanzos, Santiago Pérez, xunto coa alcaldesa, María Barral e a especialista en restauración e conservación de bens culturais, Milagros Martínez, presentaron o achádego aos medios de comunicación. A intención é que “poida estar á vista no prazo máis breve de tempo posible”, explicaron.


Novas relacionadas


ABERTO O PRAZO DE SOLICITUDE DAS AXUDAS MUNICIPAIS PARA OS AUTÓNOMOS E MICROPEMES DE BETANZOS AFECTADOS POLA COVID-19

06/07/2020

Os autónomos e micropemes de Betanzos afectados pola crise da Covid-19 poderán solicitar as axudas municipais ata o vindeiro 3 de agosto. O Concello...


leer máis


O CONCELLO ABRE A INSCRICIÓN PARA OS CAMPAMENTOS DE VERÁN E PARA O COMEDOR ESCOLAR

06/06/2020

O Concello de Betanzos abriu o día 3 de xuño o prazo de inscrición para solicitar o servizo de comedor escolar para o próximo curso e para os camp...


leer máis


O CONCELLO OUTORGARÁ AXUDAS DIRECTAS DE ATA 700 EUROS AOS AUTÓNOMOS E PEMES AFECTADOS POLA COVID-19

25/05/2020

Ata 700 euros poderán recibir os autónomos e pemes que tiveron que cesar a súa actividade ou que viron drasticamente reducidos os seus ingresos dur...


leer máis


O CONCELLO INICIA UN PLAN DE MOBILIDADE PEONIL QUE RECOMENDA O USO DAS BEIRARRÚAS NUN SÓ SENTIDO DE CIRCULACIÓN

13/05/2020

Camiñar polas beirarrúas nun só sentido de circulación para reducir o contacto entre persoas é a recomendación que lanza o Concello nestes prime...


leer máis