Xarrete de vaca ao noso estilo

Receita cedida por Mesón Avenida

Ingredientes:

-3 kg de xarrete de vaca

-1 cebola

-1 cenoria

-pemento vermello

-5 dentes de allo

-1 cullerada pequena de pimentón doce

-1 cullerada pequena de graos de pementa negra

-1 vaso de viño tinto (o viño que vaiades beber)

-1 folla de loureiro

-Sal e pementa moída

-Aceite de oliva virxe

Elaboración:

1.-Cortar o xarrete en medallóns grosos. Salpimentar. Quentar unha cazola coun chorriño de aceite. Selar os medallóns de ambos lados, ata que estean ben dourados.

2.-Picar a cebola e o pemento. Cortar a cenoria en rodelas, os dentes de allo en láminas. Incorporar á cazola xunto cos grans de pementa e o pementón.

3.-Remover para integrar e verquer o viño. Deixar que o alcohol se evapore durante cinco minutos. A continuación, agregar a auga ata cubrir.

4.-Baixar o lume, tapar a pota e deixar que se cociñe durante 2 horas como mínimo. A carne debe quedar moi tenra. Se é preciso, agregar máis auga ao longo da cocción para que a preparación non se seque.

5.-Remover de vez en cando. Rectificar o punto de sal. Servir unha porción de xarrete de tenreira guisado cunha guarnición de patacas fritidas. Se gostades dun guisado contundente, engadir patacas chascadas media hora antes de apagar o lume.