A Asemblea de ACEBE CCA elixe por unanimidade á nova directiva

Un momento das votacións da Asamblea Electoral de ACEBE CCA /ARUME

ACEBE CCA xa ten nova xunta directiva para os vindeiros dous anos. Os socios e socias da entidade elixiron por unanimidade a candidatura presidida por María Luisa Pérez Iglesias (Óptica, Parafarmacia, Herboristería Selgas), a única que se presentou ás eleccións convocadas para o 16 de novembro.

Acompañarán á presidenta nesta nova etapa de ACEBE CCA: Yolanda Sousa García (Fuchica na Testa), Eva García Díaz (Xoma Kids), Claudia Mª Marques Da Silva (El Cantón Ropa Interior), Cayetana Pena Vidal (Cayetana Pena nutricionista), Belinda Lameiro Sánchez (A Peixaría de Belinda), Susana Mª Mourón Barral (Comercial Veiga), Mónica Souto Seijo (Óptica Brigantium) e José María Presas Fuentes (Confecciones Chela).

A Asemblea Electoral celebrouse o 16 de novembro na Aula de Cultura Xulio Cuns, xusto despois da Asemblea Ordinaria na que a presidenta saínte, Antonia Anido Díaz, presentou a Campaña de Nadal e na que se decidiron tamén os domingos de apertura dos meses de decembro e xaneiro. Os socios e socias asistentes acordaron abrir os domingos 26 de decembro e 2 de xaneiro.

Despedida

Antonia Anido despediuse do seu cargo, no que levaba 14 anos, facendo un chamamento á unidade dos comerciantes e empresarios en torno á asociación e á súa participación activa para fortalecer un colectivo que ten tras de si unha traxectoria de máis de 40 anos e que conta con máis de 160 socios de diferentes sectores.

Despedida entre aplausos e emocionada, Anido agradeceu o apoio recibido ao longo da súa etapa e expresou os seus mellores desexos para a nova directiva nesta etapa que comeza. A nova presidenta, María Luisa Pérez Iglesias, transmitiulle en nome da directiva o seu agradecemento e agarimo e anunciou a intención do novo equipo de seguir a traballar por incentivar os sectores comercial e empresarial de Betanzos.


Novas relacionadas


A CREACIÓN DE SINERXIAS ENTRE OS SOCIOS SERÁ UNHA DAS PRIORIDADES DA NOVA DIRECTIVA PRESIDIDA POR MARÍA LUISA PÉREZ IGLESIAS

09/12/2021

Un equipo "unido, ilusionado, con moitas ideas e con gañas de traballar". Así define a presidenta, Mª Luisa Pérez Iglesias (Óptica, Parafarmacia ...


leer máis


ANTONIA ANIDO DEIXA A PRESIDENCIA DE ACEBE CCA TRAS 14 ANOS Á FRONTE DO COLECTIVO

16/11/2021

Despois de 14 anos como presidenta de ACEBE CCA, Antonia Anido Díaz anunciou a súa marcha dun cargo que asumiu en 2007 e que supuxo a presidencia m...


leer máis


ACEBE CCA ABRE O PROCESO ELECTORAL PARA RENOVAR A DIRECTIVA

11/11/2021

A Asociación de Comerciantes e Empresarios de Betanzos, Centro Comercial Aberto (ACEBE CCA) celebrará o 16 de novembro a Asemblea Electoral para eli...


leer máis


COMEZA A CAMPAÑA DÍAS AZUIS DO COMERCIO GALEGO QUE SORTEA 14000 EUROS EN PREMIOS

31/10/2021

Xa está en marcha unha nova edición da campaña "Días Azuis do Comercio Galego" que sorteará 14.000 euros en premios entre os clientes dos negocio...


leer máis