A campaña Betanzos énchese de soles de ACEBE CCA repartirá 32 premios valorados en 1200 euros

“Betanzos énchese de soles” é o lema da novidosa campaña que a Asociación de Comerciantes e Empresarios de Betanzos, Centro Comercial Aberto (ACEBE CCA) organiza para fomentar o consumo nos negocios asociados. A acción promocional desenvolverase entre o 13 de xuño e o 4 de xullo e sorteará 32 premios valorados en 1.200 euros.

As novidades da iniciativa son, por un lado, o sistema de sorteo e, por outro, os premios, que nesta ocasión serán agasallos mercados en establecementos asociados en lugar de Acebecheques.

O sorteo

O sorteo consistirá no reparto de pegatinas de soles que os clientes poderán obter coas súas compras e que deberán pegar nunha cartilla que tamén conseguirán nos negocios asociados a ACEBE CCA. Cada cartilla contén dez espazos para pegatinas. Unha vez completada unha cartilla deberán entregala en calquera establecemento asociado ou nas oficinas da Asociación (de luns a venres en horario de 10.00 a 14.00 horas).

O cliente quedarase co resgardo e as cartillas depositaranse nunha urna da que o notario extraerá os 32 premios do sorteo. As cartillas deberán estar seladas polo establecemento emisor para que sexan válidas.

Os clientes poderán obter as cartillas e os soles entre os días 13 e 26 de xuño e deberán entregalas cubertas coas pegatinas antes das 14.00 horas do 27 de xuño. Cada cliente poderá participar con tantas cartillas como consiga completar. O sorteo efectuarase ante notario o 4 de xullo. Os números daranse a coñecer a través desta páxina web e no número de xullo do periódico “Betanzos e a súa comarca”. Pode consultar aquí as bases completas da promoción.

Os premios

Sortearanse un total de 32 premios que a Asociación mercou noutros tantos negocios asociados e que están valorados en 1.200 euros. Os premios aos que poden optar os clientes que participen na campaña son os seguintes:

-Vale de 100 € en Soloe Viajes

-Vale de 100 € en Terras do Mandeo Viaxes

-Vale 100 € en Zafiro Tours

-Vale de 50 € Talleres Campañó

-Vale de 30 € en Clínica de acupuntura e masaxe Korea Han

-Vale de 30 € en Estación de Servizo Piadela

-Vale de 30 € en Estación de Servizo Ballenoil

-Vale de 30 € en Clínica de Fisioterapia Betanzos

-Vale de 50 € para consumición en Mesón O Pote.

-Vale de 30 € para consumición en Artesa da Moza Crecha.

-Vale de 20 € para consumición en Café Lanzós.

-Vale de 20 € para consumición en Café París.

-Vale para manicura e depilado de cexas en Salón de Estética Lolita's

-Décimo de Lotería de Nadal de Administración O Globo

-Lote de produtos de tratamento capilar Kristal Evo de Peluquería Xabela

-Lentes de sol Mr. Boho de Óptica Betanzos

-Casulla de profesora de Marán

-Kit de bordado de Mercería O Carrete

-Cono xigante de chuches de Larpeiradas Babel

-Xogo de toallas Fiotex de Bertha Hogar

-Cesta de produtos de alimentación de Supermercado Froiz

-Pantalón Only de Triscos Moda

-Cubo de pozo de madeira decorativo de Artesanía Lagoa

-Lámpada de teito Eglo de BC Iluminación

-Reloxo Mi Watch Lite Redmiwto2 de Electrónica César

-Mono corto Compañía Fantástica de Graf

-Pulseira de prata de Xoiería Carabel

-Cesta con crema e xeles Canotier de Farmacia Couceiro

-Libro "El Parque del Pasatiempo de Betanzos" de Libraría Biblos

-Set de caligrafía creativa Cretacolor de Librería Brea

-Lote de produtos ecolóxicos  de O Ekolar

-Cesta de produtos Gourmet de Segundo Productos Naturales