A campaña de primavera de ACEBE CCA sortea 2000 bolsas de tea de deseño exclusivo a través da súa App

ACEBE CCA porá en marcha entre o 15 de abril e o 10 de maio a súa campaña de primavera na que sorteará, mediante premio directo, 2.000 bolsas de tea cun deseño exclusivo.

Para participar na campaña será preciso que os clientes e os negocios teñan descargada a aplicación móbil AcebeCCA (dispoñible para Android e para IOS). Cada establecemento poderá xerar ata 100 códigos aleatorios, dos que 11 serán premiados cunha bolsa de tea que poderá entregar ao cliente gañador directamente.

No momento de efectuar o pago da compra, o establecemento xera un código a través da aplicación que deberá ser escaneado polo cliente tamén mediante a App e saberá ao instante se resultou agraciado. No caso de que o cliente non teña posibilidade de escanear o código, poderá facelo o propio comerciante a través da súa aplicación.

Poden consultar aquí ou na App as bases completas desta acción promocional. A campaña está cofinanciada pola Xunta de Galicia, a Deputación da Coruña e o Concello de Betanzos.