A campaña de San Valentín de ACEBE CCA sortea 100 euros en premios

ACEBE CCA sorteará un premio de 100 euros en acebecheques nunha nova edición da campaña de San Valentín. As persoas que desexen participar terán que respostar un cuestionario ao que se pode acceder a través das redes sociais de ACEBE CCA (Instagram ou Facebook) ou mediante o código QR impreso nos carteis promocionais. Ao respostar o cuestionario, ademais de participar no sorteo, a persoa participante recibirá unha mensaxe con suxestións de agasallos para San Valentín que pode atopar nos negocios asociados.

O cuestionario deberá respostarse antes das 00.00 horas do 12 de febreiro para que a participación no sorteo sexa válida, e deberá indicarse o nome e apelidos, teléfono, correo electrónico de contacto e o nome do perfil de Facebook ou Instagram da persoa participante. Podes respostar o cuestionario aquí.

ACEBE CCA remitirá, nun prazo de 24 horas desde o envío das respostas, un correo electrónico confirmando a súa participación no sorteo e recomendándolle catro posibles agasallos para San Valentín.

O sorteo realizarase o 14 de febreiro ás 12.00 horas mediante unha ferramenta dixital que seleccionará ao azar a unha persoa de entre todas as participantes. O resultado publicarase nas contas de Facebook e Instagram de ACEBE CCA.

A asociación contactará coa persoa premiada e, se non resposta antes das 12.00 horas do 16 de febreiro, realizarase un segundo sorteo que terá como prazo de resposta ata o 18 de febreiro.

A persoa gañadora terá como data límite para canxear o premio ata o 6 de marzo de 2025 e poderá gastar os acebecheques por valor de 100 euros en calquera dos case 200 establecementos asociados a ACEE CCA. Pode consultar as bases completas aquí.

Esta campaña é un proxecto cofinanciado pola Xunta de Galicia e actividade subvencionada pola Deputación da Coruña.