A Campaña Rasca e Gaña de ACEBE CCA pon en xogo 341 premios valorados en 1500 euros

ACEBE CCA sorteará un total de 341 premios valorados en 1.500 euros a través da súa campaña “Rasca e Gaña” que se desenvolverá ata o 30 de maio.

Os clientes poderán recibir polas súas compras boletos “rasca e gaña” nos máis de 60 negocios inscritos na campaña e terán a oportunidade de obter premios directos. En total, poñeranse en xogo 64 vales de 20 euros cada un, 183 bolsas de tea de algodón reutilizables e 94 libros de cómic.

No caso de conseguir un boleto premiado cun vale de 20 euros, o cliente poderá canxealo directamente en calquera dos establecementos asociados, aínda que non estean inscritos na campaña. Se o premio obtido é unha bolsa de tea ou un cómic deberán recollelo na oficina da asociación, situada na Praza Mestre José Dapena número 1, de luns a venres en horario de 10.00 a 14.00 horas.

Os boletos premiados deberán canxearse polos seus respectivos premios antes das 14.00 horas do día 30 de xuño. Poden consultar aquí as bases completas da promoción e aquí o listado de negocios participantes.

A acción promocional está cofinanciada pola Xunta de Galicia, a Deputación da Coruña e o Concello de Betanzos.