A candidatura de María Luisa Pérez Iglesias elixida por unanimidade para dirixir ACEBE CCA os próximos dous anos

ACEBE CCA ten nova xunta directiva para os próximos dous anos. Os socios e socias reunidos en Asemblea elixiron por unanimidade a candidatura presidida por María Luisa Pérez Iglesias (Óptica, Parafarmacia, Herboristería Selgas), a única que se presentou ás eleccións convocadas para o 14 de novembro.

Acompañarán á presidenta nesta nova etapa: Eva García Díaz (Xoma Kids), Claudia Mª Marques Da Silva (El Cantón Ropa Interior), Susana Mª Mourón Barral (Comercial Veiga), Mónica Souto Seijo (Óptica Brigantium) -que xa formaran parte do anterior equipo directivo- Patricia Docampo López (Larpeiradas Babel), Guadalupe Lema Senande (Miraquelinda) e Sonia Romero Amado (Chocolat), como novas incorporacións.

A Asemblea Electoral celebrouse o 14 de novembro na Sala Azul do Edificio Arquivo, xusto despois da Asemblea Ordinaria na que a directiva saínte presentou as contas do exercicio de 2022, e as iniciativas en marcha como a Campaña de Nadal así como unha valoración das actividades realizadas durante o ano.  Na asamblea acordáronse tamén os domingos de apertura no Nadal. Os socios e socias asistentes acordaron abrir o domingo 24 de decembro en horario de mañá.